Text:August Lustig/A. Lustig Sämtliche Werke: Band 1/Im Herbst.

Im Herbst.

382 - 383


Hit isch's mr nitt ums lache,
I weiss nitt, was i ha,
Me thüet als so verwache,
Was mag schuld si do dra?

Duss will kei Sunne kumme,
Dr Himmel isch nitt blaü
Un d'Vögele verstumme,
's isch alles trieb un graü!

Noch gestert hat se gosse
Ihr Liecht uf Feld un Wald,
Jetz isch die Zit verflosse,
's isch nàwlig hit un kalt.

Un d'Blätter falle-n-awe
Vom Baüm scho tot un gàl,
Dr Summer isch vergrawe,
's wird alles dürr un wehl!

D'Natür legt sich jetz nieder,
Vertraümt ihr' Winternacht,
Bis ass im Frieihjohr wieder
Sie frieih un froh erwacht.

Un so vergehn die Zite!
In ihrem Laüf mit Noth
Müess 's Lewe-n-immer strite
Do unte mit em Tod.

O mir hàn unser Winter
Un derfe schlofe geh,
's Frieihjohr sin unsre Kinder,
Uns weckt kei Sunne meh!

. . . . . . . . . . . . . . . . . . . . .

Sag, Vaterle, im Ecke,
Worum denn redsch Dü nimm ?
Sa thüet mich jetz ufwecke
Ne helle Kinderstimm!

Schaü, wie die Blätter fliege
In d'Höche wit un breit!
Un wie sich d'Bàim lehn biege
Vom Wind, was fir e Freid!

Bol wird's jetz wieder schneie,
Wie schön wird's wieder si,
Werm alles wiss im Freie,
Wie frei ich mich druf hi!

Schneeballe wà mr mache
Un schlife-n-alle Tag!
Un sunscht e Menge Sache,
Wenn's nur lang düre mag!

Derno kunnt o d'Wiehnàchte,
Wo's schöne G'schenker git,
Mir bringt se fir mi schlechte
E neüe Puppe mit!

O Winter, mit Verlange,
Mit Freid erwart' ich dich!
Thüet's Dich nitt o so blange,
Sag, Vaterle, wie mich?