Text:Otto Gittinger/So semmer Leut/Der Beck

Der Beck

Der Beck kommt mit ama Baura vor G'richt,
Er sait, 's Baura Butter häb a falsch G'wicht,
Am'a jedweda Pfond fehl a Vierleng ganz g'wiß,
Ond er verlang Schadenersatz für den B'schiß.
"So, so," sait der Richter, "das wäre ja schön,
Der Bauer soll reden, dann werden wir sehn."
"Descht g'spässich," sait der, "daß der Beck mi veklägt.
Miar hent meine Weibsleut da G'wichtstein verlegt,
Jetz, wann se allemol ausgstaußa hent,
No holt mer beim Becka-n-a Pfondlaible g'schwend.
Des lait mer en d'Wog'statt's am G'wichtsteinle nein
Ond wiegt mit da Butter ond git au no drein.
Ond soll's no net stemma, ha sell ischt guat wissa,
No hot mi der Beck mit de Pfondlaibe b'schissa."