Text:Otto Gittinger/So semmer Leut/Nasse Wickel

Nasse Wickel

'S Hofbaura Käther g'hebt se schwer,
Ond endlich muaß der Doktor her.
Kaum hot der Doktor d'Käther g'sean,
No sait er: "Da muß gleich was g'scheha:
Ihr wickelt sie in a Tuch, a recht nasses."
"O je," schreit d'Käther do, "o daß es!
No kein kalt Wasser uf da Leib!
Hent Mitleid mit ama-n-arma Weib!
Weil's Wasser i von Juged an
If blaußer Haut net leida kan!"
"Ach was", sait der Doktor, "was ich will, g'schieht,
Ihr wascht Euch doch alle Tag damit!"
"O nein", sait d'Käther, "so wüascht bein i net,
Daß i 's Wäscha jeda Tag naitich hätt!"