Text:Otto Gittinger/So semmer Leut/Schön g'schora!

Schön g'schora

Der Michel b'sieht d'Menagerie,
So wilde Tier descht sein Pläsie,
Ond vornaweg den alta Lea
Den muaß er allemol no moi b'sea
"Schön g'schora", sait er, "jetz Respek!
Wer schneid't dem Lea d'Hor aweg?"
"Ich!" sait der Wärter, ond hot g;lacht
"So Iar? Ja, wia hent Iar des g'machto"
"O", sait der Wärter, "des hot's glei',
Mer klemmt sein Kopf en d'Knie so nein
Ond tritt am so uf d'Doba nan,
Daß er kein bißle mucksa kan."
"Ha sell wär!" hot der Michel brommt,
"Uf was der Mensch net alles kommt!"