Text:Volkslieder/Lueget vo Berg und Tal

Lueget vo Berg und Tal

• Text: J.A. Henne (1798-1870)
• Musik: F. Huber (1791-1863)

Liedtext

Lueget, vo Bärg und Tal
flieht scho de Sunnestrahl
Lueget, uf Aue und Matte
Wachse die dunkele Schatte
D´Sunn uf de Bärge no stoht
Oh, wie si d'Gletscher so rot

Lueget do aben a See!
Heimezue wändet sich s’Veh;
Loset, wie d'Glogge, die schöne,
Fründli vom Moos üs ertöne;
Chüehjerglüt, üseri Lust,
Tuet is so wohl i der Brust.

Still a de Bärge wird's Nacht,
Aber der Herrgott, da wacht.
Gseht der säb Stärnli dört schyne?
Stärnli, wie bisch du so fryne!
Gseht der, am Himmel do stoht's:
Stärnli, Gott grüess di, wie goht's?

Loset, es seit is: "Gar guet!
Het mi nit Gott i der Huet?
Fryli, der Vater vo alle
Lot mi gwüss währli nit falle.
Vater im Himmel, dä wacht
Stärnli, liebs Stärnli, guet Nacht!