Théo Gmür
Dr Théo Gmür (* 8. Augschte 1996 z Haute-Nendaz im Wallis) isch e Schwiizer Behindertesportler.
Dr Gmür isch Sportstudänt a dr Äiggnössische Hochschuel für Sport EHSM z Magglinge.[1] Wäg emene Ödeem im Hirni isch er, sid er anderthalb Jahr alt gsi isch, uf dr einte Syte gleemt. Als Sportler het er sech trotz dere Yschränkig ufs Schyfahre verleit und uf e Slalom und e Riiseslalom im Stoo spezialisiert. Er fahrt i dr Leischtigsklass LW9.[2]
A dr Winter-Wältmeischterschaft vom Behindertesport im Jänner 2017 z Tarvisio, Italie – dr erschte WM, won er überhoupt mitgmacht het – isch er i dr Kategory Schi alpin ufe zwöit Platz bim Riiseslalom cho.[3] Und er isch Gsamtwältcupsiiger 2016/2017.
A de Paralympische Winterspiili z Südkorea ane 2018 het er drü guldigi Medalie gholt, je eini i de Dizipline Abfahrt, Super-G und Riiseslalom im Stoo.[4][5][6]
2019 isch der Théo Gmür bim Riiseslalom a de World Para Alpine Championships z Kranjska Gora (Slowenie) der zwöitschnällscht gsi, und bi der Abfahrt vo Sella Nevea z Italie isch er Wältmeischteer worde.[7][8]
Weblink
ändere- Syte vom Théo Gmür uf swissparalympic.ch
Fuessnoote
ändere- ↑ Syte vom Théo Gmür bi dr Eidgnössische Sportschuel z Magglinge (Site cha nüme abgrüeft wärde; Suche im Webarchiv)
- ↑ Syschteem vo de Klasse für Behindertesportler
- ↑ Théo Gmür gewinnt überraschend Silber uf sport-fan.ch
- ↑ Medaliespiegel
- ↑ dr ofiziell Medaliespiegel vo de Paralympische Spiili z PyeongChang uf paralympic.org
- ↑ Théo Gmür est champion paralympique de géant, cette fois uf lenouvelliste.ch
- ↑ Samuel Burgener: Théo Gmür ist der neue Star des Schweizer Behindertensports. Warum berührt er die Leute so sehr? uf nzz.ch
- ↑ Théo Gmür ist Weltmeister uf 1815.ch