Theodor-Haecker-Bryys

Dr Theodor-Haecker-Bryys wird syter anne 1995 all zwai Joor vu dr Stadt Esslenge an Persone vergee, wu sich dur e „bsundere bolitische Muet un Ufrichtigkait“ uuszaichne. Dr Bryys isch noch em dytsche Schriftsteller Theodor Haecker gnännt un zurzyt mit € 10.000 dotiert.

Derzue wird e Ehregab zum Theodor-Haecker-Bryys an Wisseschaftler vergee, wu sich bsundersch verdient gmacht hän um Erforschig vum Läb un Wärch vum Theodor Haecker. 2007 isch d Ehregab au an s Fanbrojäkt Babelsberg vergee wore, as Byschpel fir e glungeni Arbet mit Jugedlige gege Gwalt, Rassismus un neonazistischi Tendenze.

Bishärigi Bryysdreeger

• 1995: Sergei Kowaljow, russische Dissident un Bolitiker
• 1997: Jehan as-Sadat, d Frau vum friejere ägyptische Bresidänt Anwar as-Sadat
• 1999: Salima Ghezali, Schurnalischti vu Algerie
• 2001: Vesna Pesic, Mänscherächtleri un Fridensforscheri vu Serbie
• 2003: Laurien Ntezimana, Theolog vu Ruanda
• 2005: Eren Keskin, Mänscherächtler us dr Tirkei
• 2007: Judith Galarza, Mänscherächtleri vu Mexiko
• 2009: Kitwe Mulunda Guy, Mänscherächtler us dr Demokratische Republik Kongo
• 2011: Shiva Nazar Ahari, Mänscherächtleri us em Iran
• 2013: Leyla Yunus, Burgerrächtsaktivischti vu Aserbaischan
• 2015: Laísa Santos Sampaio, brasilianischi Umwältaktivischti
• 2017: Urmila Chaudhary, nepalesischi Mänscherächtleri
• 2020: Rugiatu Neneh Turay, Mänscherächtleri vu Sierra Leone
• 2022: Maryja Kalesnikawa, Mänscherächtleri vu Belarus

Anne 2000 isch an dr verschwunde wyssrussisch Oppositionsbolitiker Viktor Gontschar e usserordelige Bryys vergee wore.

Weblink

• Theodor-Haecker-Bryys uf dr Syte vu Esslenge