Thomy Widmer
De Thomy Widmer (* 15. Juli 1962[1]) isch en Schwyzer Artischt und de Erfinder vo de populäre Chinderfigur Murmi. Bekannter isch er drum unter Geri S. Gwonder, em Name, wo er i de "Murmi News" und in “Murmi´s Abenteuer” treit.
Läbenslauf ändere
De Thomy Widmer chunnt us Oberentfälde.[2] Nach de Kantonsschuel (Typus D - neui Sprache) het er in St. Galle Betriebsökonomie schtudiert. De Widmer isch zum Multitalent worde und hat agfange, mit verschidnige Programm uufzträte - Füürschlucker, Living Doll, Schlangemänsch, Ballonmodullör, Stelzenries und so wiiter. Er isch es Mitglied vo de Gauklergruppe Pajazzo gsi. Anderersiits het er vili Aläss i jedere Grössi organisiert, für Firme und privati Persone.
Sini Motivation, als Produzänt, Dreibuechautor und Darschteller für sini Murmi-Sändige z´schaffe, isch en grossi, tüüfi Freud und Luscht am Läbe. Er bezeichnet sich als optimistische Mänsch und glaubt as Gueti. Bym verfasse vo jedem Dreihbuech versucht er immer, d´ Wält us de unverdorbene Optik vo mene Chind z´ betrachte und die in Murmi ine z´ projeziere.
Lueg au ändere
Läbeslauf vom Thomy Widmer uf creativio.at (Site cha nüme abgrüeft wärde; Suche im Webarchiv) bgruefe am 4. Mai 2012
Ainzelnochwys ändere
- ↑ Geri S. Gwonder uf murmi.ch abgruefe am 4. Mai 2012
- ↑ Artikel vom 5. Juni 2011 uf aargauerzeitung.ch abgruefe am 4. Mai 2012