Tiger

Königstiger (Panthera tigris tigris)

Systematik

Ordnig:	Roubtier (Carnivora)
Underordnig:	Chatzenartigi (Feliformia)
Familie:	Chatze (Felidae)
Underfamilie:	Grosschatze (Pantherinae)
Gattig:	Eigetlechi Grosschatze (Panthera)
Art:	Tiger

Wüsseschaftlige Name

Panthera tigris

(Linnaeus, 1758)

Tiger (Panthera tigris; alemannischi Näme) si Großkatze, wo in Asie läbe. Ihr Fell het schwarzi Streife uf goldgelem bis rotbruunem Grund. Sälte chömme au Bengaltiger vor, wo blaui Auge und es wiisses Fäll mit schwarze Streife hai. Ganz wiissi Tiger si üsserst rar und mä sait enä Schneetiger. Me unterscheidet Tiger nach Rasse: dr Südchinesisch Tiger, dr Sibirisch Tiger, dr Javatiger, dr Balitiger, dr Kaspisch Tiger und dr Sumatratiger. Tiger sen vom Aussterbe bedroht, und der Kaspisch, der Java- und der Balitiger sind scho usgestorbe.

Grössi

Vo alle Raubkatze isch dr Tiger die größt und vo de Landraubtier si nume Bäre grösser. Die chliinste Tiger läbe z Indonesie; si si zwei Meter lang, drvo 60 cm Schwanz. D Wiibli wäge 90 kg, d Männli 120. Dr größt Tiger isch dr Sibirisch Tiger mit fast drei Meter vor Nase bis zum Schwanzspitz, dr Schwanz het ä Lengi vo 90 cm. Die Sibirische Tigerwiibli si 150 Kilo schwer, d Männli 250.

Ernährig

Tiger ernehre sich vom Fleisch vo andere Dier, im Allgemeine grösseri Süügedier wie Antilope, Hirsch, Schoof, Geisse und Wildsäu, aber au chliineri Süüger jage si. Au Reptilie wie Chrokodil, mengisch sogar jungi Elifante und Nashörner, wo sich vo ihrer Mueter entfärnt hai, riisst er mänggisch.

Underarte

* Dr Sibirisch Tiger (P. t. altaica)

* Dr Südchinesisch Tiger (P. t. amoyensis)

* Dr Bali-Tiger (P. t. balica) †

* Dr Indochinesisch Tiger (P. t. corbetti)

* Dr Malaysia-Tiger (P. t. jacksoni)

* Dr Java-Tiger (P. t. sondaica) †

* Dr Sumatra-Tiger (P. t. sumatrae)

* Dr Königstiger (P. t. tigris)

* Dr Kaspisch Tiger (P. t. virgata) †

Literatur

Vivek R. Sinha: The vanishing tiger. Salamander Books, London 2003. ISBN 1-84065-441-4
Iain Green: Wild tigers of Bandhargarh, Encounters in a fragile Forest. Tiger Books, Crowborough 2002. ISBN 0-9543115-0-7
K. Ullas Karanth: Tigers. Colin Baxter, Grantown-on-Spey 2001. ISBN 1-84107-081-5
Ernest Pillsbury Walker, R. M. Nowak: Walker’s Mammals of the World. Bd 1. Johns Hopkins University Press, Baltimore 1964, 1999, S.825ff. ISBN 0-8018-3970-X
Vratislav Mazak: Der Tiger. Westarp Wissenschaften; Auflage: 5., unveränd. Aufl. (April 2004) ISBN 3-89432-759-6
John Seidensticker: Riding the Tiger. Tiger Conservation in Human-dominated Landscapes Cambridge University Press, 1999 ISBN 0-521-64835-1

Weblink

Commons: Tiger – Sammlig vo Multimediadateie

Studie vom WWF, 2005; PDF
The Tiger Foundation, Dr. Ron Tilson
tiger-online (gröschti dütschsprachigi Informationsquelle im Web)
Website des Tiger Information Center (änglisch)
Unterarte vom Tiger (PDF)