Time (mänggisch mit Groossbuechstaabe: TIME), hüfig Time Magazine, isch e amerikanischs Noochrichtemagaziin, wo wöchentlig erschiint. Es wird vo Time Inc. uusebrocht. Si Hauptsitz isch New York City.
| Erschiinigswiis
|
wöchentlig
|
| Uflag |
5,2 Mio. Exemplar
|
|
Time isch 1923 vom Henry Luce und vom Briton Hadden z Nöi York gründet worde. Die ersti Usgoob isch am 3. Merz erschiine. Scho glii het Time e bedütendi Rolle in dr amerikanische Presslandschaft afo spiile und isch s Vorbild für e ganzi Form vo Brichterstattig worde, z. B. z Dütschland het Der Spiegel d Time noochgmacht.[1] Berüemt worde isch s Magazin under anderem dur sini Ditelbilder. E baar vo deene − wie öbbe d Darstellig vom Winston Churchill as e Bulldogg – si hüte e feste Bestanddäil vo dr Pop-Ikonografii.
