Torrée
es Grillfäscht im Freie, wo im Kanton Neueburg e langi Tradizion hät
D Torrée isch e tradizionelle Bruuch im Kanton Nöieburg.
Es isch es Füür, wo me früener im Herbscht nach em Rüüte uf de Fälder mit de abgschnittene Pflanzeteili azündet. Uf em Füür tuet me Saucisson, da sind Rohwürscht, wo typisch sind i de Romandie, und Härdöpfel bröötle. Dezue gits Brot, Salat und e Gläsli Wii. Hüt isch es zum e Familiefescht oder eme Fescht under Fründ worde. Der Aalass isch für d Region so populär und bedütigsvoll worde, as d Stadt Le Locle all Johr für d Neuzuezüger e grossi Torrée durefüert und so di neue Iiwohner für d Wirkig vom ene söttige Grillfäscht, wo identitätsstiftend isch, sensibilisiere möcht.
Weblink ändere
- d Torrée i der Dokumäntazioon „Lebendige Traditionen der Schweiz“