Trikka

Trikka (altgriech. Τρίκκα) isch di antiki Hoptstadt vo de thessalische Landschaft Hestiaiotis gsii. D Ruine liged bim hüttige Trikala (noigriech. Τρίκαλα).

Vo de antike Stadt, wo am Fluss Lethaios glegen isch, isch fasch nünt bikannt. Si isch i de zwait Hälfti vom 3. Joorhundert v. Chr. makedonisch wore und ane 186 v. Chr. wider zo Thessalie cho und 146 v. Chr. zom Römische Riich. D Stadt isch vom Chaiser Iustinian bifestigt wore und i de byzantinische Zitt de Sitz vomene Bischof gsii.

Di "rossnäärendi Trikke" werd scho bim Homer gnennt und ghört nochem Schiffkatalog zäme mit Oichalia und Ithome zom Piet vom Machaon und siim Brüeder Podaleirios, de beede Söö vom Asklepios.

Literatur

• Herwig Kramolisch: Trikka. In: Der Neue Pauly (DNP). Band 12/1, Metzler, Stuttgart 2002, ISBN 3-476-01482-7, Sp. 815–816.