Tromla

Tromla (* 5. Januar 1975 in St. Ingbert als Christoph Hans) isch e dytsche Schlaagzyyger.

Lääbe

Als klassisch uusbildete Schlagzyyger hett är einigi Joor bim Landesjugendorcheschter Saarland und in dr Bärgkapälle Sanggt Ingbert gspiilt.^[1] Ab de Nüünziger hett er in lokale Bänds, unter andere d' Disko-Bänd "Fresh" oder d' Räppergruppe "bodelosi Frächheit" gspiilt.

1997 het dr Tromla zämme mit 'm Bassischt Flo:Pee d' Eleggdro-Funk-Gruppe Reaktor gründet. D' Bänd hets bis 2004 gää, si hett zwäi CDs uusebrocht.

Sitem Ändi vo de Nyynziger improvisiert er hüffig als Live-Schlagzyyger zämme mit DJs vo dr eleggdroonische Danzmusigg. So ischr zämme mit de DJs Blake Baxter, Stewart Walker, Doc Phatt, Märtini Brös^[2] und Cristian Vogel odr im Hip-Hop-Beriich mit Boulevard Bou odr Denyo in Clubs und Diskos in ganz Dytschland uffdrätte. Währnd zwei Joor het är si eigene Oobe im Saarbrücker Blau Niteclub namens Tromlas Elektroklub kha.^[1]

Dr Tromla hett au experimentelli Uffdritt kha, zem Biispiil hett är e 24-stündigs, medidattyvs Solo in dr Johanneskirche Saarbrücken im Joor 2001 gmacht und hett uff em Album "Eintopf" e stündigi Improvisation veröffendlicht, wonr als ainziggs Instrumänt e Kochdopf bruucht.

Diskografie

2000: elektrosuperstars (EP/mit Reaktor)
2004: Hyperdimension (mit Reaktor)
2011: Eintopf, Label: Twin Town Productions

Übrigs

Untr sym richtige Naame Christoph Hans het dr Tromla im Joor 1994 e Comic uusebrocht.^[3] 2004 hett är's als Reschissör vumene Comedy-No-Budget-Film mit em Name Der Hering probiert, bi däm unter andere Katharina Bihler und Stefan Scheib als Schauspieler mitgmacht hän.^[4]^[5]

Weblinks

Webpresänz Tromlas

Einzelnachweise

↑ ^1,0 ^1,1 Heinz Kronberger: Hans im Glück in drums&percussion, Nr. 3 Mai/Juni 2012, Seite 56–57
↑ Roland Helm - Norbert Küntzer: Saar Rock History Volume 1 & 2, Raueiser Verlag Saarbrücken 2011, ISBN 9783876610375, S. 379
↑ Kritik zu "Flupp Nr.1" in der PLOP (Fanzine) Nr.45
↑ Videokünstler reisen sogar aus Paris an Archivlink (Memento vom 16. Jänner 2014 im Internet Archive) bei saarbruecker-zeitung.de
↑ Der Hering (Memento vom 3. Jänner 2014 im Internet Archive) bei kinowerkstatt.de

[drums-1] 1,0 ^1,1 Heinz Kronberger: Hans im Glück in drums&percussion, Nr. 3 Mai/Juni 2012, Seite 56–57

[2] Roland Helm - Norbert Küntzer: Saar Rock History Volume 1 & 2, Raueiser Verlag Saarbrücken 2011, ISBN 9783876610375, S. 379

[3] Kritik zu "Flupp Nr.1" in der PLOP (Fanzine) Nr.45

[4] Videokünstler reisen sogar aus Paris an Archivlink (Memento vom 16. Jänner 2014 im Internet Archive) bei saarbruecker-zeitung.de

[5] Der Hering (Memento vom 3. Jänner 2014 im Internet Archive) bei kinowerkstatt.de

[1]

[2]

[3]

[4]

[5]