UN-Sekretariat

S UN-Sekretariat (franz. Secrétariat de l'ONU, ängl. United Nations Secretariat) isch s wichtigste Administrationsorgan vo de Vereinte Natione und het näbe sim Hauptsitz z New York drei Ussestelle z Gämf, z Nairobi und z Wien. Sini wichtigsti Ufgoob isch die organisatorischi Understützig vo de andere UN-Organ. Drzue ghört under anderem d Organisation vo Komferänze, s Verfasse vo Studie bzw. Bricht, und d Ufstellig vom Huushaltblan. Für zum die Ufgoobe z bewältige, beschäftige die Vereinte Natione 8.900 Mitarbeiter us 192 Mitgliidstaate (Stand Januar 2009).

Dr UN-Generalsekretär (seit 2017 dr António Guterres) wird uf Vorschlag vom Sicherheitsroot vo dr Generalversammlig für en Amtszit vo fümf Johr gwehlt. Er spiilt innerhalb vo dr UN e bsundrigi Rolle: wil er hüfig in de Medie erschiint, isch er dr „Chopf vo de Vereinte Natione“ und ihr wichtigste Repräsentant.

Ändi 1997 het dr Generalsekretär Kofi Annan d Position vom Stellverdrätende Generalsekretär vo de Vereinte Natione (ängl. Deputy Secretary-General of the United Nations) errichdet, wo seit 2017 vo dr Amina J. Mohammed bsetzt isch.

Bedütendi Positione im Büro vom Generalsekretär (OSG) si dr Chef vom Exekutivbüro (änglisch/französisch: Chef de Cabinet), sit 2017 isch das d Maria L. R. Viotti aus Brasilie, und d Assistänte vom Generalsekretär (ängl. Executive Assistants).

Büro und Abdeilige

Näben em New Yorker Hauptquartier het s UN-Sekretariat die folgende Ussestelle:

Büro vo de Vereinte Natione z Gänf (ängl. United Nations Office at Geneva, UNOG)
Büro vo de Vereinte Natione z Wien (ängl. United Nations Office at Vienna, UNOV)
Büro vo de Vereinte Natione z Nairobi (ängl. United Nations Office at Nairobi, UNON)

S UN-Sekretariats het die folgende Abdeilige:

Büro vom Generalsekretär	OSG	ängl. Office of the Secretary-General
Amt für interni Ufsichtsdienst	OIOS	ängl. Office of Internal Oversight Services
Beriich Rächtsaaglägeheite	OLA	ängl. Office of Legal Affairs
Hauptabdeilig Politischi Aaglägeheite	DPA	ängl. Department of Political Affairs
Hauptabdeilug Abrüstigsfrooge	DDA	ängl. Department for Disarmament Affairs
Hauptabdeilig Friidenssicherigsiisetz	DPKO	ängl. Department of Peacekeeping Operations
Büro für d Koordinierig vo humanitäre Aaglägeheite	OCHA	ängl. Office for the Coordination of Humanitarian Affairs
Hauptabdeilig für Wirtschaftligi und Soziali Aaglägeheite	DESA	ängl. Department of Economic and Social Affairs
Hauptabdeilig für d Generalversammlig und Konferänzmanagement	DGACM	ängl. Department for General Assembly and Conference Management
Hauptabdeilig für Prässi und Information	DPI	ängl. Department of Public Information
Hauptabdeilig Management	DM	ängl. Department of Management
Büro für Informations- und Kommunikationstechnologii	OICT	ängl. Office of Information and Communications Technology
Büro vom Hoche Beufdragte für d Länder, wo am wenigste entwicklet si, Binneentwickligsländer und chliine Inselentwickligsländer	OHRLLS	ängl. Office of the High Representative for Least Developed Countries, Landlocked Developing Countries and Small Island Developing States
Büro vom Sicherheitskoordinator vo de Vereinte Natione	UNSECOORD	ängl. Office of the United Nations Security Coordinator
Büro vo de Vereinte Natione für Droge- und Verbrächensbekämpfig	UNODC	ängl. United Nations Office on Drugs and Crime

D Abdeilige im UN-Sekretariat wärde vom ene Undergeneralsekretär (ängl. Under-Secretary-General of the United Nations, USG) gfüehrt.

Generalsekretär vo dr UNO (chronologisch)

1946–1952: Trygve Lie (Norwäge)
1953–1961: Dag Hammarskjöld (Schwede)
1961–1971: Sithu U Thant (Birma)
1972–1981: Kurt Waldheim (Östriich)
1982–1991: Javier Pérez de Cuéllar (Peru)
1992–1996: Boutros Boutros-Ghali (Ägypte)
1997–2006: Kofi Annan (Ghana)
2007-2016: Ban Ki-moon (Republik Korea)
sit 2017: António Guterres (Portugal)

Weblingg

Website vom UN-Sekretariat (änglisch)
Website zur Übersicht vo de Generalsekretär

Dä Artikel basiert uff ere fräie Übersetzig vu dere Version vum Artikel „UN-Sekretariat“ vu de dütsche Wikipedia. E Liste vu de Autore un Versione isch do z finde.