Uniform Resource Locator (URL, ängl. – "einheitlichi Ortsagob für Ressource") sin e Unterart vo Uniform Resource Identifier (URIs), wo e Ressource, bispilswiis e Website oder e PDF-Datei, tüend identifiziere und lokalisiere, damit me si über en Brauser us em Internet chan abrüefe.

URLs bschtön us zwei Deil:

  1. s Netzwärkprotokoll – de primäre Zugriffsmechanismus (meischtens http, https odr ftp)
  2. de Pfad – de Ort (ängl. location) vo dr Ressource in Computernetzwärk
Bischpiil
https://als.wikipedia.org/wiki/URL
irc://irc.freenode.net/als.wikipedia
ftp://ftp.telekom.de/

Will URLs di erschti un hüfigschti Art vo URIs sin, wärde die Begriff au synonym verwändet.

D Abkürzig URL het im dütsche Schprochgebruch meischtens e wiibliche Artikel (di URL), will vili de Begriff synonym mit "d Adräss" bruche. Vili Schprecher hän aber di männlichi Form lieber, will s Wort "Locator", wo in dr Abchürzig URL steckt, im Dütsche e männliche Artikel het. Menggmäl wird URL im dütsche Schprochgebiet au fälschlicherwis als "Universal Resource Location" bezeichnet.

Lueg au ändere

Weblink ändere

  • RFC 1738Uniform Resource Locators (URL)
  • RFC 1808Relative Uniform Resource Locators