Virginische Tabak

Systematik

	Aschteride
	Euaschteride I
Ordnig:	Nachtschattenartigi (Solanales)
Familie:	Nachtschattegwächs (Solanaceae)
Gattig:	Tabak (Nicotiana)
Art:	Virginische Tabak

Wüsseschaftlige Name

Nicotiana tabacum

L.

Der Virginisch Tabak (Nicotiana tabacum; alemannischi Pflanzenäme) isch e Pflanzenart us der Gattung vom Tabak us der Familie vo de Nachtschattegwächs (Solanaceae). Es isch di wirtschaftlech bedüdenschti Art vo der Tabakinduschtri u wird in ere Vilzahl vo Sorte aboue. D Art isch ursprünglech us der natürleche Chrüzig zwüschem Waldtabak (Nicotiana sylvestris) u em Nicotiana tomentosiformis entstande.

Beschrybig ändere

Same vo der Tabak-Sorte "Burley"

Der Virginisch Tabak isch e eijährigi Pflanze wo zwüsche 1 bis 3 m höch wird. Si isch a einige Stelle behaart. D Stängle sy dick u sy nume wenig verzweigt. Di grössere Loubbletter wärde über 50 cm läng, d Form vo de Blattspreite isch eiförmig bis elliptisch oder verchehrteiförmig. Gäge vüre sy d Bletter zuegspitzt oder spitzig, a der Basis loufe si am Stängel abe oder sy ufsitzend u stängelumfassend.

D Blüeteständ sy mehrfach verzeigti Rispe. D Blüetestile sy 5 bis 15 mm läng. Der Kelch erreicht e Längi vo 12 bis 18 mm u isch mit em ne 4 bis 8 mm länge, schmalspitzig, uglych gstaltete Chelchzipfel besetzt. D Chelchzipfle sy chürzer als d Kelchröhre. D Chrone isch stiltällerförmig, der Chronsoum isch wyss, pink oder rot gfärb. D Chronröhre isch grünlech-cremefarbig, pink oder rot. D Chronröhre het e Gsamtlengi vo 3,5 bis 4,5 cm u isch im undere Teil 3 bis 5 mm breit. Si verbreiteret sech im obere Teil uf 7 bis 12 mm. Der Chronsoum isch glappet oder füüfeggi. D Stoubbletter sy unglych gstaltet, sitze underhalb vo der Mitti vo der Chronröhre. D Stoubbüütle vo de vier länge Stoubbletter stöh nöch a der Öffnig vo der Chronrohre oder stöh liecht über dene. Ds füfte Stoubblatt isch düütlech chürzer als di andere. D Stoubfäde hei e Lengi vo 2,5 bis 3,5 cm u sy dermit düptlech lenger als der Stoubbüütel. A der Basis sy d Stoubfäde behaart.

D Frucht isch e 1,5 bis 2 cm längi Chapsle, wo schmal elliptisch bis eiförmig isch. Si cha über e Kelch use stah oder vo ne umschlosse sy. D Same sy chugelförmig oder breit elliptisch u wärde bis zu 0,5 mm läng. Ihri Oberflächi isch netzartig gwällt.

Chromosomezahl ändere

Genetisch isch der Nicotiana tabacum tetraploid, er het also vier Chromosomesätze. D Chromosomezahl betreit 2n = 48, sältener 24 oder 96.

Verbreitig ändere

Virginische Tabak (Nicotiana tabacum)

Me nimmt ah, dass der Virginisch Tabak us em weschtleche Südamerika chunnt, är isch aber scho vor der Enteckig vo Amerika dür e Christoph Kolumbus z Mittelamerika u z Mexiko ygfüehrt worde. Hüt wird d Art wyt kultiviert u isch glägendlech als Kulturflüchtling azträffe.

Systematik ändere

Der Virginisch Tabak wird innerhalb vo der Gattig (Nicotiana) i di monotypische Sektion Nicotiana gstellt. D Art isch e natürleche, allotetraploide Hybrid, als Elterearte isch enersyt d Nicotiana sylvestris als müetterlechi Elterenart u d Nicotiana tomentosiformis als väterlechi Eltereart ermittlert worde. D Nicotiana tabacum isch widerum di müetterlechi Elterenart vo der Nicotiana × digluta, di väterlechi Elterenart vo däm Hybrid isch d Nicotiana glutinosa.

Sorte ändere

Der kultiviert Tabak wird meischtens i Gruppe yteilt, di wichtigschte sy:

Virginia-Tabak: Der Geschmack bim Rauke wird als süss, strohig u Höiartig beschriibe.
Burley-Tabak: Der Geschmack isch würzig, bitter, hölzig u härdelet.
Orient-Tabak: Der Geschmack isch süsslech schwer, schweissig u grasig.

Siehe auch ändere

Weblink ändere

Commons: Virginische Tabak – Album mit Multimediadateie

Literatur ändere

Johnnie L. Gentry Jr., Paul C. Standley: Flora of Guatemala. Solanaceae. Fieldiana:Botany, Volume 24, Teil X, Nummer 1 und 2. Field Museum of Natural History, 1974. (Bschriibig u Vorchoo).

Dä Artikel basiert uff ere fräie Übersetzig vu dere Version vum Artikel „Virginischer_Tabak“ vu de dütsche Wikipedia. E Liste vu de Autore un Versione isch do z finde.