Vukašin Mrnjavčević
Dr Vukašin Mrnjavčević (* öbbe 1320; † 1371) isch e bedütende serbische Aadlige im hütige Mazedonie gsi grad bevor d Osmanie sich uf em Balkan häi afo usbräite.
| Vukašin Mrnjavčević | |
|---|---|
| Köönig vo de Serbe and Grieche | |
 | |
| Regierigsziit | 1365–1371 |
| Name | Vukašin Mrnjavčević |
| Uf d Wält cho | öbbe 1320 |
| Geburtsort | Livno |
| Gstorbe | 26. Septämber 1371 (im Alter vo öbbe 50 oder 51) |
| Dodesort | Maritsa, Bulgarie |
| Nochfolger | Marko |
| Verhürotet mit | Alena |
Dr Vukašin Mrnjavčević isch 1350 as Župan vo Prilep erwäänt worde. Spööter het en dr serbischi Zar Stefan Uroš V. in dr Rang vom ene Despot erhoobe. Vo 1365 aa het er dr Ditel vom ene Köönig under em Supremat vom Zar ghaa.
Im Joor 1371 het er e christligi Koalizioon gege d Osmane organisiert, wo si Brueder, dr Despot Jovan Uglješa, und dr bulgarischi Zar Iwan Schischman drbii gsi si. Dr Lala Şahin Paşa, wo e Beylerbey vo Rumelie gsi isch, het denn dr Oberbefääl über die türkischi Armee ghaa. Die bäide Armeä si am 26. Septämber 1371 in dr Schlacht an der Mariza ufenandergstoosse. D Osmane häi weniger Soldate gha, häi aber die christligi Armee vernichtend in d Flucht gschlaage. Dr Vukašin isch in dr Schlacht umchoo, und s Osmanische Riich het si Köönigriich annektiert.