What a Wonderful World isch dr Titel vom ene Lied, wo dr George David Weiss (Melodii) und dr Bob Thiele (Teggst) für e Louis Armstrong gschriibe häi. Es isch am 1. Januar 1968 uf ere Single veröffentligt worde.

Adi Holzer: What a Wonderful World. Handkolorierti Farbradierig 2002.

Im Armstrong si Version isch 1999 in d Grammy Hall of Fame ufgnoo worde.

S Lied isch im Film über e Vietnamchrieg Good Morning, Vietnam as Kontrast zu gwaltdäätige Bilder vo Explosione iigsetzt worde.

InhaltBearbeite

What a Wonderful World verzelt vo dr Schönhäit vo dr Wält und vo de Glücksmomänt im alldääglige Lääbe. S Lied isch mit dr Absicht gschriibe worde, d Luune vo de Lüt z verbessere in ere Zit, wo s politische Klima in de USA immer schlächter worde isch. S Lied singt vo dr Natur, Sunne, Farbe, Fründschafte und Chinderauge. Die ersti Stroofe gooz edo:

„I see trees of green, red roses too. I see them bloom for me and you, and I think to myself: What a wonderful world.“

Uf Dütsch: Ich gsee grüeni Böim, roti Roose au. I gsee ass si blüeje für mi und für di, und i dänk mir: Dasch e wundervolli Wält.
  Dä Artikel basiert uff ere fräie Übersetzig vum Artikel „What_a_Wonderful_World“ vu de dütsche Wikipedia. E Liste vu de Autore un Versione isch do z finde.