Dr Widerstand in dr Elektrotechnik

E Widerstand isch e zwäipoligs passivs elektrischs Bauelimänt zum in elektrische und elektronische Schaltige en ohmsche Widerstand z realisiere. Widerständ wärde bzum Bischbil verwändet, zum dr elektrisch Strom uf sinnvolli Wärt z begränze, die elektrischi Spannig in ere Schaltig ufzdäile oder elektrischi Energii in Wermienergii umzwandle.

Allgemäins

E lineare Widerstand, das si alli Widerständ, wo dr Widerstandswärt von ene vo käim witere Parameter abhängt, stellt en elektrische Stroom broporzional zur elektrische Spannig, wo aagläit wird, ii und umkeert. Er isch e Stroom-Spannig-Wandler oder e Spannig-Strom-Wandler und cha nit nume dr Stroom begränze, wie en elektrischi Sicherig.

Wichdigi Kenngröössene vom ene Widerstand si dr Widerstandswärt, d Toleranz und die maximali Verlustläistig, es git aber no mee Gröössene wo relewant chönne si. Dr Widerstandswärt und d Toleranz si mäistens as vier bis säggs farbigi Ring uf em Widerstand sälber aagee:

S Schaltzäiche für en elektrische Widerstand noch DIN EN 60617

S Schaltzäiche für en elektrische Widerstand noch ANSI

Farbkodierig vo Widerständ mit 4 Ring
Farb		Widerstandswärt in Ω			Toleranz
Farb		1. Ring (Zääner)	2. Ring (Äiner)	3. Ring (Multiplikator)	4. Ring
„käini“	×	—	—	—	±20 %
silber		—	—	10⁻² = 0,01	±10 %
gold		—	—	10⁻¹ = 0,1	±5 %
schwarz		—	0	10⁰ = 1	—
bruun		1	1	10¹ = 10	±1 %
root		2	2	10² = 100	±2 %
orangsch		3	3	10³ = 1.000	—
gääl		4	4	10⁴ = 10.000	—
grüen		5	5	10⁵ = 100.000	±0,5 %
blau		6	6	10⁶ = 1.000.000	±0,25 %
veielett		7	7	10⁷ = 10.000.000	±0,1 %
grau		8	8	10⁸ = 100.000.000	±0,05 %
wiss		9	9	10⁹ = 1.000.000.000	—

Bischbil

D Farbring gääl–veielett–root–bruun bedüte 47·10² Ω = 4,7 kΩ und e Toleranz vo ±1%, d. h. dr Toleranzberiich goot vo 4,653 kΩ bis 4,747 kΩ.
E Widerstand mit de fümf Ringe grüen–bruun–bruun–orangsch–blau het e Nennwärt vo 511·10³ Ω = 511 kΩ und e Toleranz vo ±0,25%.

Verstellbari Widerständ

Eme Läistigswiderstand, wo regelmäässig stuefelos veränderllig isch säit mä Rheostat

E Potenziometer, wo mä dr Widerstand mit Drülle vo dr Aggse cha verstelle
Dr Feider, wo mä dr Widerstand dur Verschiebe iistellt
E Drootwiderstand mit Aazapfig (verstellbari Schelle)
Drimmwiderständ
E dreidimänsionals Modäll vomene Widerstand vo 0,25 Watt

Weblingg

Commons: Widerständ – Sammlig vo Multimediadateie