Bildertutorial
zruck | 1 | 2 | 3 | 4 | 5 | witer

Lizänze ändere

So, du häsch jetz e Nutzerchonto uff de Allmänd aglegt. Jetz mie mr uns um rächtligi Froge kümmere.

Uff de Wikipedia und de Allmänd mien nit numme Tekscht, sondern au Bilder frei sy, d.h. under re sognännte „Freie Lizänz“ stoh. Wenn dr e Bild uffeladsch, no wählsch under eigene Freie Lizänze us. Devor müesch aber chlärt ha, ob dr säll Bild überhaupt uffelade darfsch.

Bildrächt ändere

De eifachst Fall isch, wenn dr s Bild sälber erstellt - fotografiert oder zeichnet - häsch. Wenn's Persone druff hät, no müesch si nadürlig froge, ob si mit de Veröffentligung yverstande sin, ansunschte bisch aber in de Regel frei, s Bild uffezlade. Genauers findsch uff Wikipedia:Bildlizänz-Hilf.

Wenn s Bild nit vo dir chunnt oder du öbbis fotografiert häsch, wo öbber anderscht hergstellt hät, no müeß de Rächtinhaber in d Veröffentligung under re Freie Lizänz ywillige. Dodezüe chasch en per E-Mail um Erlaubnis froge; e Vorlag findsch uff de:Wikipedia:Textvorlagen - d Gnehmigung sottsch nochher an permissions-de@wikimedia.org witerleite und bim Uffelade age.

Bilder, wo de Urheber sit über 70 Johr dot isch, sin z Dütschland gmeinfrei und dürfe frei veröffentligt werre. Sälli Bilder dürfe aber numme uff d Allmänd uffeglade werre, we mer de Autor kennt. Verwaisti Bilder werre dört nit akzeptiert.

Wenn e Bild nit de Regle entspricht, no wird's glöscht.

Wahl vo-n-re Lizänz ändere

Uff vyle Hilf-Site vo de Wikipedia werre Freii Lizänze erwähnt. E Lizänz bstimmt, was anderi Lüt mit me Tekscht oder Bild mache dürfe, ohni dass si de Rächtinhaber froge mien. Freii Lizänze erlaube normalerwis s Kopiere, Witerverarbeite und Verändere under gwüsse Ufflage. In de Wikipedia git's drei wichtigi und erlaubti Lizänze für d Bilder, dodeby hät jedi Lizänz e bitz anderi Bedingige. Wenn bi me Bild e Lizänz stoht, no mien Dritti bi de Verwändig vom Bild d Bedingige vo säller Lizänz yhalte. Eso chasch dr gwüssi Privilegie sichere.

Do e Liste vo de erlaubte Lizänze. Meh über d Bedütig vo-n-ne findsch do.

  • Public Domain (PD)
  • GNU-Lizänz für freii Dokumäntation (GFDL)
  • Creative Commons (CC)
    • Creative Commons Attribution (CC-BY)
    • Creative Commons Attribution Share alike (CC-BY-SA)

Solang du d Rächt häsch, chasch vo sälle Lizänze eini - oder au mehreri glychzitig - uswähle. Für welli du dich entscheidsch, isch ganz dir überlo.

Witer im Tutorial.