Wikipedia:Spenden

Die frey Enzyklopedi Wikipedia isch ständig uf Spände agwyyse. Liis do, wurum das eso isch und wie de hälfe kasch.

Worum sett ich spände?

Dr Betriib vo dr Wikipedia (und ihrne Schwöschterprojäkt uff dr ganze Wält) verursacht argi Keschte, nämli Keschte fyr dr Betriib (Mieti vom Rächezentrum, Dateverkehr, Domainregischtrierige etc.) und zwingendi Inveschtitione für d'Hardware (Wikipedia:Server).

D Wikimedia Foundation isch ständig uff Spände agwiise, will d Projäkt ständig stark waggse und um dr Betriib langfrischtig uff e sichers Fundamänt stelle z'kenne. Denn: D Wikipedia wird nid dur Wärbig finanziert - und isch drumm uff jedi Spänd - sig sy au no so klai - agwyyse! (Witere Informatione uff änglisch).

Wie cha ich spände?

Me ka an vier verschiideni Ort spände:

• Dr Wikimedia Foundation, dr wältwiite Organisation: Informatione
• Wikimedia Dytschland, em dytschsprochige Verein: Informatione
• Wikimedia Schwiiz, em Verein us dr Schwiiz: Informatione
• Wikimedia Öschtriich, em Verein us Öschtriich: Informatione

Achtig: Vo de Styyre absetzbar sin nume Spände an die lokale Verein. Für Dytschi also an Wikimedia Dytschland, für Schwiizer an Wikimedia Schwiiz un für Öschtriicher an Wikimedia Öschtriich.

Dini Spänd wird grundsätzlig nid zwäggbunde fyr sämtligi Wikimedia-Projäggt ygsetzt, do sämtligi Projäggt uf die gliich Infrastruktur agwiise sin.