Wikipedia:Gsichteti und briefti Versione
A Wiki isch a offes System; a jeeds ka also Artikl ändre. Us deam Grund schreaked abr oft fachkundige Mänsche drvor zruk in ma Wiki Artikl z’bearbeite oder gar z’nuze, wil in ma herkömmliche Wiki a jeede Arbat uifach z’wänig gschüzt isch (usser ma sperrt de Artikl fir Bearboitunga – was wiiderum it im Sinne vu ma Wiki isch). A Leesung isch'es Ufschpalte in Entwicklungs- und Stabilversiona. D Arbat vu ma Fachkundige blibt dur stabile Versiona fir alle Leaser uifach und duurhaft abruefbar; lueg ou de:Wikipedia:Stabile_Versionen#Ziele.
Sit em Novämber 2008 chönne bi de Alemannische Wikipedia sognännti Fäldhieter einzelni Versione vo Artikel als gsichtet markiere. S Zyl vo dem isch es, dass d'Artikel verlässliger sin und de Läser meh Ruckmäldige über em Artikel sini Qualität griegt.
De Markierigsstatus zeigt's einem im Artikel rächts obe a, wenn di aktuälli Version nit vom Fäldhieter aglüegt worre isch. We'mer also nüt siht, no hät e Fäldhieter di aktuälli Version aglüegt. Sälli Markierige sin
, wenn d'Artikelversion weder vom Fäldhieter aglüegt no brieft worre isch.
, wenn si e Fäldhieter aglüegt hät. Es hät also e regelmäßige Nutzer vo de Wikipedia de Bydrag gläse und sicher gstellt, dass er kei offesichtlige Vandalismus isch oder enthaltet. Ob de Bydrag inhaltlig richtig isch, stoht dodemit no nit fest.
, wenn d'Artikelversion brieft isch. Brieft heißt, dass si öbber aglüegt hät, wo sich mit em Thema uskännt, und si siner Meinig noch keini sachlige Fehler oder größeri Lücke enthaltet. (im Momänt no nit in Benutzig)
Bsunders wenn e Version numme vom Fäldhieter aglüegt worre isch, aber au wenn si als brieft markiert worre isch, no garantiert wäge dem no niemerts defür, dass si inhaltlig richtig sin. D'Qualität wird durch sälli Kännzeichnige eidütig nit beurdeilt; dodefür git's d'Uszeichnig als bsunders glungene Artikel.
Mit +/- cha mer Details zu de Markierige vo me Artikel azeige/usblände. Im Versionsmarkierigs-Logbüech cha mer seh, wer wänn welli Versione markiert hät. Usserdem isch's möglig, dass öbber bim Sichte Kommentär abgee hät, wo mer dört siht. Es git au e Artikelbrief-Logbüech zu de Briefige vo Artikelversione.
Im Momänt sehn unagmäldeti Nutzer standardmäßig di neusti vo sälle Versione vo me uffgrüefene Artikel, wo vom Fäldhieter aglüegt worre isch. Alternativ cha ne au di aktuälli oder di letschti briefti Version azeigt werre, sodass e gwüssi Qualität garantiert wird. Administratore chönne säll Verhalte für jedi einzelni Site umstelle, was mr aber im Momänt nit z nutze blane.
Technisch funktioniert d'Sichtig/Briefig durch d'MediaWiki-Erwiterig Flagged Revisions.
Gsichteti Versione
ändere- Hauptartikel: Gsichteti Versione
De Fäldhieterstatus (Sichterstatus) wird individuäll vo me Administrator vergee, nochdem e Nutzer e gwüssi Zit bi de Alemannische Wikipedia mitgschafft hät.
Fäldhieter chönne e Artikel als gsichtet markiere oder sälli Markierig uffhebe. E automatischi Sichtig erfolgt, wenn
- e Fäldhieter e neue Artikel ygstellt hät.
- e Fäldhieter e Artikel bearbeitet, wo d'Version devor vo me Fäldhieter aglüegt worre isch.
- e Artikel durch d'Zruggsetze-Funktion uff e Version zruckgsetzt wird, wo scho e Fäldhieter aglüegt hät.
- e Artikel vo me Fäldhieter verschobe worre isch. Deno wird au de Verschieberäst als vom Fäldhieter aglüegt markiert.
Umstellig vo de Siteasicht
ändereD'Umstellig vo de Siteasicht für nit agmäldeti Nutzer hät verschydeni Konsequänze. Wenn jetz e Nutzer mit siner IP-Adräss öbbis abspeichert, no siht er sini Änderige wie gwohnt, wird aber druff hygwyse, dass de Artikel no uff e Sichtig wartet. Bis e Fäldhieter de Artikel sichtet, hät's über em Titel vom Artikel d'Schaltflächi Entwurf, wo eine zu de aktuälle Version fiehrt. D'Schaltflächi Artikel zeigt bi Wikis, wo d'Fäldhieter-Funktion hän, di neusti vo denne Versione, wo e Fäldhieter aglüegt hät.
Konfiguration vo de Siteasicht (numme für Ammanne)
ändereE Ammann chunnt über d'Siteschutz-Schaltflächi über e elekdronische Verwys zu de Sitekonfiguration.
Es git sälli Uswahlmögligkeite:
- für di azeigti Version in de normale Siteasicht
- di markierti Version, wenn's eini hät; ansunschte di aktuälli oder
- di aktuälli Version
- für d'Uswahl vo de vom Fäldhieter aglüegte Version
- di letschti briefti Version; wenn's keini hät, no di letschti, wo de Fäldhieter aglüegt hät oder
- di letschti Version, wo e Fäldhieter aglüegt hät
Übersicht
ändere- Site, wo kei Version vom Fäldhieter aglüegt worre isch
- Site mit Versione, wo no kei Fäldhieter aglüegt hät
- Nutzerverzeichnis:
- Alli Fäldhieter-Vorgäng (cha noch Fäldhieter, Artikel und Zit ygschränkt werre)
- Konfigurations-Logbüech
Entwicklig
ändereÜber stabili Versione hät vor zwei Johr s Board vo de Wikimedia Foundation entschyde. D'Brogrammentwicklig isch stark vo de dütschsprochige Wikipedianer usgange, wo si vor allem drage hän. Es hät do druff hy e Testlauf in de Dütsche Wikipedia gee.
Brojäkt
ändereIm Momänt nutze sälli Wikimedia-Brojäkt d'Fäldhieter-Funktion:
- Wikipedia
- Wiktionary
- Wikibooks
- Wikinews
- Wikiquote
- Wikisource
- Sustigi Wikimedia-Projekt
Frejere Implementationa
ändereVgl. de:wikt:Wiktionary:Stabilversionen#Frühere_Implementationen; zerscht bim alswiki
Lueg ou
ändere- de:Wikipedia:Stabile_Versionen (wie Citizendium: Biology)
- de:Wikipedia:Gesichtete_Versionen
de:Wikipedia:Geprüfte_Versionen(Fir ys paar Hansl momentaan z’viil Ufwand? Drzue bruuche mir nämle an Huufe Fachkundige / oder an Huufe Zit! Im Groobe und Gonze isch des jo aber ou in de stabyle gsichtete Versioona enthalte!)
- en:Wikipedia:Why stable versions?