Wikipedia:Wp/swg/Baden-Württemberg

Bada-Wirttaberg isch 1952 durch dor Zsemaschluss vo dor friora amerkanischa Besatzungszon Wirttaberg-Bada ond de båede franzesische Basatzungszona Württemberg-Hohenzollern ond (Süd-)Baden grindet wårda. D’Hauptschtadt isch Stuagard. Gschwädsd werdet em "Ländle" vorschiedene Dialegd. Em badischa Landesdåel ka mor kurpfälzisch (em Norda) und alemannisch (em Sida) haira. Em wirttagergischa Landesdåel hairt mor em Norde on fränkischa Dialegd, en dor Midde schwäbisch, nåch Sida kommd Oberschwäbisch und schliaslich am Bodasee ao Alemannisch. Obwohl Bada-Wirttaberg scho weit ibor fuffzg Jåhr ald isch, geit´s emmor no on Haufa Vorurdåel zwischa Badenor ond Wirttabergor.

Andorsch als en dor Schweiz gild en Bada-Wirttaberg em Radio ond em Fernsäa dor Dialegd emmor no faschd gar nix. Ond während zom Beischbiel Plattdeitsch scho längschd vo vier Bundesländor (Schleswig-Holstein, Hamburg, Niedersachsen, Bremen) als ferdorungswirdiga Regionalsprach bei dor EU durchgsedsd worda isch, had onsor oegena Landesregierong no iborhaubd nix fir´s Schwabisch en där Richdong dao. Dobei kommd´s Plattdeitsch em Alldag kaom mai vor, abor bei ons schweädsed fascht vier Milliona Wirrtembergor und a Millio Baira (em bairischa Regierungsbezirk Schwaben) en ihrem Alldag ganz selbsdvorsdendlich Schwäbisch.