Wikipedia:Wp/swg/Jonglierconvention

A Schonglierkonwentschn isch, wenn sich viile Schongleer an oem Ord dreffàt. Des kennàt 30, 50, 100 oddr sogar, wia uff dr EJC a baar dausnd sae. D EJC isch abbr ao d greeschde Konwentschn, wo s gibt. Dass so viile Daelneemr kommàt, isch also eher ned normal.

Uff so mà Schongliirdreffà schongliirt mòr dr ganze Daak, wemòr ned z'miàd isch, weil mòr d ganze Nacht ned gschlòòfà hot. Des kommt nämlich uff ròr Konwentschn eftòr vor. Mòr kò, wemòr will, ao baimà Workshop midmachà. Dò griàgd mòr ebbäs von ebbr zaegt, wo s kò, on lernt s nò so ganz guàt. S gibt abbr ao a Schou oddr ao a baar, des kommt uff d Greeße von dr Konwentschn ò, on Schonglierschbiil, wo s meh onm dr Schbass wia oms Gwennà gòht.