Wikipedia Diskussion:Hilfe fir Ammanne

Ich ha jetz emool wiider aagfange, e weng e Sinn in üser Wikipedia- un Hilfesyte-System z bringe. Langsam wird's klarer... Un ich find, dass mer Syte wie die oder z.B. Hilfe:Farbtabelle lösche sötte (oder mynetwäge im Schopf archiviere, wenner unbedingt meinet, dass des eso wahnsinnig wärtvolli Arbet isch, wo doo verlore goot). Ich find, mer sötte üs bi de Hilfesyte uff des konzentriere, wo en Neuling cha beträffe (un des defür übersichtlig un lyycht verständli mache). Bi so Sache, wo uff ere zimli hoche Stufe sin, gseeni überhaupt kei Sinn debi, dass mir Hilfesyte drüber mache. Wänn öber emool mit eso Sache wie Farbtabelle konfrontiert isch, oder wenn öber emool Ammann isch, no kennt er sich doch scho guet gnue uss, zume uff de dütsche oder de änglische Wikipedia nooch de Hilfesyte z sueche. Bi Hilfesyte uff dere Stuf, chönne mir doch sowiiso nie alli Syte aktuell un qualitativ guet halte un de Überblick drüber bhalte. Lieber, mer beschränkt sich uff Hilfesyte für Neuling (es git jo immer wiider Lüt, wo uff de alemannisch Wikipedia überhaupt zum erschte Mool in de Wikipedia schrybe), un macht des defür ordentlich. --Terfili (Diskussion) 23:25, 5. Apr. 2012 (MESZ)

Find i guet, dass Du do ufruumsch, ab un zue brucht s emol e Friejohrsbutz. Wänn s no mir goht, deet i s lieber in dr Schopf verschiebe, wel des Zyygs ghert halt au alles zue dr Gschicht vu dr Alemannische Wikipedia. Die Hilfssyte fir Ammanne bringt natyrli nit vil bi däm, was grad dinne stoht. Do isch wirkli s ainzig inträssant d Artikelzämmefierig (wel mer des sälte mache) un die Link ganz unte uf d Kartegorie Lesche usw., aber fir so ebis haa ich persenlig ender my Wärchstattsyte. Ainewäg deet ich des nit lesche, sundern in dr Schopf verschiebe. Un fir Neiling bringt s sicher mee, wämer wenig un aifach ghalteni Hilfssyyte hän. Villicht sotte mer aber fir uns alti (Oschter?)Haase ender ebis yyrichte wie ne Syte mit Link uf uusgwehlti Hilfssyte uf dr dewiki (oder au enwiki), wel ich find s dert nit uubedingt ibersichtlig, wänn i ebis suech. --Holder (Diskussion) 13:51, 6. Apr. 2012 (MESZ)

Jetz hanni jo au ändli emool e separati Kategorie für die veraltete Syte gmacht (Kategorie:Wikipedia:Veralteti Syte), no störe si au nümm. Wänn's aber würkli numme öbis isch, wo irget öber emool irgetwenn als Tescht aaglait het, no findi chammer des aber scho lösche (trifft uff die Syte jetz natürli nit zue). So e zentrali Syte, mit wichtige Hilfesyte uff andre Sproochversione, fändi uff jede Fall e gueti Idee. --Terfili (Diskussion) 15:41, 6. Apr. 2012 (MESZ)