Alemannische Wikipedia

Willi Friedrich Koerbel

Dialäkt: Mìlhüüserdiitsch

Dr Willi Friedrich Koerbel (* 20. Jüüli 1910 z’ Hàbsa, Raichslànd Elsàss-Lothrìnga; † 11. Jüüni 2000) ìsch a diitscher Schurnàlìscht un SA-Fiahrer gsìì.

sii Laawa ändere

Dr Willi Friedrich Koerbel ìsch ànna 1910 z’ Hàbsa bii Mìlhüüsa-n-uff d’ Walt kumma. Àn dara Zitt hàt s’ Elsàss zem Diitscha Kaiserraich gheert. Dr Koerbel hàt àn dr Üniwärsitäät vu Haidelbarg un Mìncha Ärziihungswìssaschàft, Seelakunda, Gsällschàftsforschung un Gschìcht gschtudiart. Ìm Septamber 1931 ìsch’r Mìtglìed ìn dr NSDAP worra (Mìtglìedsnummer 644.652).[1]

Dr Koerbel ìsch SA-Fiahrer gsìì. Ar hàt dr SA-Màrsch Nr. 5 Sturmsoldaten komponiart[2] un ìsch kültüürpolitischer Schrìftlaiter vum Mannhaimer Hakenkreuzbanner gsìì. Ànna 1933 ìsch’r Schport- un Prassareferant vu dr Mannhaimer Schturmàbtailung (SA) gsìì (=SA-Standarte 171 (Tràdizioonsregimant Kolmer)).[3] Drzüa ìsch’r Hàuiptschrìftlaiter un Prassa-Schäff vu dr Owerschta SA-Fiahrung gsìì. Noh dr vum Kàmpfblàtt Der SA-Mann ìsch’r àls SA-Owerschturmbànnfiahrer ìm Viktor Lutze sii pärseenliger Referant ìn dr Raichskànzlai vu Berlin gsìì.[4] Schpeeter ìsch’r vum Wilhelm Schepmann àls SA-Schtàndàrtafiahrer bfärdert worra. Àls Militäär hàt’r a Fàllschìrmjaager-Üüssbìldung bikumma un hàt àm Wäschtfaldzug mìtgmàcht. Ar ìsch ainer vu da äärschta diitscha Soldààta, wo ànna 1940 ìn Pàriis inagànga-n-ìsch. Schpeeter ìsch’r Verbìndungsoffiziar vu dr diitscha Luftwàffa bii dr itàlianischa Luftwàffa z’ Rom gsìì.[5] Ìwwer dia Zitt hàt’r ànna 1997 a Laawesbschriiwung vum Mussolini gschrìewa. Vu 1941 bis 1943 ìsch’r Soldàt ìm Nordàfrikà gsìì.

Noh-n-em Kriag ìsch dr Koerbel Unternamma-Berooter z’ Haidelbarg gsìì, un àb 1957 Generààlkonsül vum Ghana ìm Diitschlànd gsìì.[6] Ànna 1997 ìsch’r Eehrabìrger vu siinera Geburtsschtàdt Hàbsa-n-ìm Owerelsàss worra.[7] Dia Eehrabìrgerschàft hàt jedoch dr Gmaindaroot vu Hàbsa-n-ìm Jüüni 2022 äntzooga, wu maa siina nàzionààlsoziàlìschta Vergàngahait äntdäckt hàt. Ìm Jüüli 2022 ìsch d’ Gmaindahàlla Willi F. Koerbel z’ Hàbsa umtaift worra.[8]

Dr Willi Friedrich Koerbel ìsch àm 11. Jüüni 2000 gschtoorwa.

siina Veräffentligunga ändere

  • Der SA-Mann. Kampfblatt der obersten SA.- Führung und der NSDAP. (àls Hàuiptschrìftlaiter), Verlag Franz Eher Nachf., Mìncha, ärschìena vu 1928 bis ca. 1939.[9]
  • 1937: Erlebnisse der Kameradschaft (Üüssgaawer)
  • 1938: Die deutschen Freikorps 1918–1923: Anh.: Das Sudetendeutsche Freikorps 1938 (zamma mìt’m Friedrich Wilhelm von Oertzen, 1939 5. Ufflààg)
  • 1938: SA-Geist im Betrieb, vom Ringen um die Durchsetzung des deutschen Sozialismus. Bànd 10 vu da Kàmpfschrìfta vu dr Owerschta-n-SA-Fiahrung, Zäntrààlverlààg vu dr NSDAP, 1938
  • 1944: Die deutsche Seele, Verlààg "Wir sind daheim", Dresden (üüssgaa vum Raichsminìschterium fìr Volksuffkläärung un Propaganda, Àbtailung Oscht, ìn Verbìndung mìt’m Raichtskummissààr fìr d’ Fäschtigung vum diitscha Volkstumm, Hàuiptàmt Volksdiitscha Mìttelschtälla)
  • 1944: So entstand das Reich, Verlààg "Wir sind daheim", Dresda (üüssgaa vum Raichsminìschterium fìr Volksuffkläärung un Propaganda, Àbtailung Oscht, ìn Verbìndung mìt’m Raichtskummissààr fìr d’ Fäschtigung vum diitscha Volkstumm, Hàuiptàmt Volksdiitscha Mìttelschtälla)
  • 1987: Ein Mohr als Gelehrter. Einzigartige Karriere e. Negers in Deutschland. In: Geschichte Nr. 77, 1987. S. 27–31.[10]
  • 1997: Erlebter Faschismus. Aufstieg und Sturz Benito Mussolinis. Ein Zeitzeuge berichtet. Berg am Starnberger See, 1997, ISBN 3-8061-1115-4

Ainzelnoohwiisa ändere

  1. ↑ Fred K. Prieberg: Handbuch Deutsche Musiker 1933–1945. Kiel 2004, CD-ROM-Läxikon, S. 3890.
  2. ↑ Sturmsoldaten. In: gateway-bayern.de. Abgruefen am 14. Juli 2022.
  3. ↑ MARCHIVUM: Chronikstar. 5. Mai 1933, abgruefen am 4. Mai 2019.
  4. ↑ a Bìld vu 1939
  5. ↑ WILLI KOERBEL, Soldat in Nordafrika, 1941/1943
  6. ↑ Stadtarchiv Karlsruhe: Besuch der afrikanischen Prinzessin Gifty aus Ghana in Karlsruhe. 1979 in dr Dytsche Digitale Bibliothek
  7. ↑ Werner Bräuninger: Strahlungsfelder des Nationalsozialismus: Die Flosse des Leviathan. Schnellbach 1999, ISBN 3-926584-67-X.
  8. ↑ Pierre Gusz: Habsheim débaptise la salle Willi F. Koerbel en raison de son passé nazi. In: L’Alsace. 5. Juli 2022, abgruefen am 14. Juli 2022 (französisch).
  9. ↑ Der SA-Mann. Kampfblatt der obersten SA.- Führung und der NSDAP
  10. ↑ zitiart ìn: Braunschweigischer Gschìchtsverain: Braunschweigisches Jahrbuch, Bànd 68, 1987 (S. 204)
  Dä Artikel basiert uff ere fräie Übersetzig vu dere Version vum Artikel „Willi_Friedrich_Koerbel“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Willi_Friedrich_Koerbel&oldid=1033037"