S World Wide Web [ˌwɜːldˌwaɪdˈwɛb] (churz Web, WWW oder dütsch: Wältwiits Netz, au 's Netz) isch e Hypertext-System, wo über s Internet cha abgrüeft wärde. Me het s am 6. August 1991 wältwiit freigee zur allgemeine Benutzig.[1][2]

E grafischi Darstellig von e baar Siite im World Wide Web um en.wikipedia.org am 18. Juli 2004

Für zum s World Wide Web z bruuche, benützt me e Webbrowser wo uf em eigene Computer installiert isch, und wo d Date vom Webserver holt und zum Bispil uf em Bildschirm aazeigt. Dr Benützer cha de Hyperlink im Dokumänt folge, wo uf anderi Dokumänt verwiise, öb si jetzt uf em gliiche Webserver oder uf eme andere gspiicheret si. Dodrduur bechunnt me e wältwiits Netz us Websiite. Em Aklicke vo de Hyperlink sait me hüfig Internetsurfe.

S WWW wird im allgemeine Sproochgebruuch hüfig mit em Internet gliichgsetzt, au wenn s jünger isch und nume eini vo de möglige Nutzige vom Internet isch (so wie s Internet siinersiits nume eine vo verschiidnige möglige Serververbünd isch). Es git durchus Internet-Dienst, wo nit in s WWW integriert si (am bekanntiste isch d E-Mail, aber z. B. au IRC und Telnet). D Webbrowser hai zu däm Duurenander biidrait, wil si nit nume s eigentlige HTTP-Protokoll chönne bruuche, sondern au no anderi Dienst wie Mail und FTP zuegänglig mache.

Nowiis ändere

  1. History to date. World Wide Web Consortium. Abgrüeft am 13. April 2009.
  2. Tim Berners-Lee: WorldWideWeb: Summary. Abgrüeft am 13. April 2009.
  Dä Artikel basiert uff ere fräie Übersetzig vu dere Version vum Artikel „World_Wide_Web“ vu de dütsche Wikipedia. E Liste vu de Autore un Versione isch do z finde.