Schimpfen, des moint schenna (em Badischa), schempfa (em Schwäbischa). Moischtens duat ma des 'da Berg nuff'. Oder wennn ma dahoim isch, as Weib na. 'Da Berg nuff' hoist, ma schempft net do, mo mas hätt doa müassa (ond am liabschta wella hätt), sondern danoch, wemma allois isch, auf Wääg hoim.

Däät ma nemilch do schempfa wo mas oigentlich mecht, na däät s blos no mai Ärger gäba. Iberhaupts verdruckt ma es se moischtens. Weil ebbas wa mr gsoit hot, ka mr nemme zruck hola. Ond wenn mr bibelfescht isch, na fendat ma au en guata Grond :

Deine Rede sei ja, ja, nein, nein. Aber wer kaa se scho emmer dra halta?