Wurschtsalòt

Wurschtsalòt isch èn suèr agmachtè Salòt mit Essig, Öl un Zibèlè, wo hauptsächlich us Wurscht bschtòt, sèll isch meischtens Brüèwurscht wiè Lyoner, Stadtwurscht odder Regènsburger Wurscht. S isch è traditionelli Zwüschèmaalzit z Süddütschland, im Elsass, dè Dütschschwiz un z Öschterrych.

Strõßburger Wurschtsalòt (mit Chässchtreifli)

Lut èm Dütschè Läbbensmittelbuèch, Leitsätz für Feinkoschtsalòt, isch s Uusgangsmatriaal gschnitteni Wurscht, au in Vomischung vo voschidenè Wurschtsortè unterènand, Gurkè un/odder Zibbèlè sowiè andrè würzigè Zuètatè.

Für s Richtè wörd d Wurscht in dünni Schiibè odder Streifè gschnittè un mit rohè Zwibbelring odder -würfel kurz in èrè eifachè, lycht mit Salz un Pfeffer gwürztè Essig-Öl-Marinadè yglait. Hüfigi Ergänzungè sin chly gschnitteni Radièsli, Peterle odder Schnittlauch. Servyrt wörd dè Wurschtsalòt übblicherwys mit Brot odder Brõthärdöpfel, i dè Gegènd um d Kurpfalz au mit Pommfrits.

Variationè

Strõßburger Wurschtsalòt

Dè Strõßburger odder Elsässer Wurschtsalòt, dè ußerhalb vo dè Schwiz au Schwizer Wurschtsalòt benamst wörd, bschtòt us Lyoner un Chäs, deilwys au us Ämmèdaler-Chäs.

Schwôbische Wurschtsalòt

Dié schwôbischi Variation wörd halber mit Lyoner un Bluètwurscht gmacht.

Obberschwôbischè Wurschtsalòt

Dè sognannte Gränzgänger isch è obberschwôbischi Kombination vom Schwôbischè un Elsässischè, also Wurschtsalòt mit Lyoner, Bluètwurscht un Chäs.

Schwizer Wurschtsalòt

Dè originale schwizer Wurschtsalòt wörd mit Servelè statt Lyoner gmacht. D Servelè wörd meischtens dè Längi nõch gvirtelt oder halbyrt un denn in öppè 5 mm breiti Streifli gschnittè.

Öschtrycher Wurschtsalòt

Dè öschtrycher Wurschtsalòt wörd us Knackwurscht odder Extrawurscht zuèbereitet, sèlli Wurscht wörd au Suuri Wurscht un Essigwurscht dauft.

Vowandti Gricht sin Ochsèmuulsalòt, Nürnbärcher Gwerch un Fleischsalòt.

Weblingg

 Commons: Wurstsalat – Sammlig vo Multimediadateie

• Beschrybung vom Badischè Wurschtsalòt

Einzelnõchwys

Dä Artikel basiert uff ere fräie Übersetzig vu dere Version vum Artikel „Wurstsalat“ vu de dütsche Wikipedia. E Liste vu de Autore un Versione isch do z finde.