Wuxia qi gongzhu

Wuxia qi gongzhu (chin. 武俠七公主 / 武侠七公主, wǔxiá qī gōngzhǔ, kant. mou⁵ haap⁶ cat¹ gung¹ zyu² „di sibe Wuxia-Prinzässinne“, änglisch: Holy Weapon, me kennt en au as Seven Maidens oder The Seven Princesses) isch e Wuxia-Film us Hongkong. Er isch 1993 vom Reschissör Wong Jing zäme midem Dennis Chang (vo däm stoht aber nüt i de Credits) dräit worde.

Filmdate
Originaltitel	Wuxia qi gongzhu
Produktionsland	Hongkong
Originalsprooch	Kantonesisch
Erschiinigsjoor	1993
Lengi	98 Minute
Stab
Regie	Wong Jing, Dennis Chan
Dräibuech	Wong Jing
Produktion	Steven Lo
Kamera	Lee Chu-Hung
Bsetzig
Michelle Yeoh: Ching Sze/To Col Ching Cheng Yu-Ling: Doll Maggie Cheung: Princess Tin Heung Cheung Man: Spider Simon Yam: Super Sword Dicky Cheung: Ng Tung Sandra Ng: Yam Kin-Fai Ng Man-Tat: Ghost Doctor Damian Lau: Mo Kake/Heaven's Sword Charine Chan: Butterfly Esther Kwan: Ghost Girl

Handlig

I dr Zyt vo dr Ming-Dünaschtii tuet der Held Mo Kake, däm dr Ghost Doctor mit ere gföhrliche Drooge, wo d Persönlichkeit verändere tuet, übermenschlichi Kreft gää het, dr japanisch Schwertkämpfer Super Sword, wo ne ganze Huufe chinesischi Kung-Fu-Kämpfer umbrocht het, besiige. Dr Super Sword säit denn, dass er in drei Joor wider uftauche wärdi, zum sich räche. Well dr Mo Kake vo dr Drooge wahnsinnig worden isch und er es Gmetzel gmacht het, woner sini Hochzyt mit dr Ching Sze hät sölle fiire, zieht sini Frau nochhär mit em Name To Col Ching als Schwertkämpfer dur d Wält und spezialisiert sich druuf, «härzlosi Männer» umzbringe. Wo der Super Sword zruggchunt, muess me dringend e Kur für e Mo Kake finde; usserdäm muess d Ching Sze no sächs anderi Jungfraue finde, well der Super Sword nume mit der Kraft vo siibe Jungfraue cha besiegt wärde. Am Schluss vom Film gits e lange Kampf zwüsche de siibe Jungfrauen und em Super Sword.

Dr Film isch imene komödiantische Ton mit vile slapstickartigen Iilage ghalte.

Kritik

Dr Joey O'Brian schriibt 1995 i dr Austin Chronicle, dass Holy Weapon sehr unterhaltsam sigi. Er sig en «verruckte Film», däm sini Darschteller denn au passend gschpunne tieget. Di gradlinig Darschtellig vo der Michelle Yeoh und em Damian Lau verschtärki d Komödie wägem ganze Wahnsinn rundum si ume. D Maggie Cheung sig as verwöhnti Prinzässin köschtlich, d Sandra Ng as ihri lüschterni Liibwächteri aber närvuufriibend. Di üblich Unusgwoogeheit vo der Reschii vom Wong Jing falli i däm Film wäge sinere episodische Gschicht weniger uf als süscht.

Dr Sascha Garthof findet uf sinere Website Cinema Far East, dass der Film zwar einigi «hervorragende Actionszenen zu bieten» heigi, die aber «wieder im hinlänglich bekannten und wenig befriedigenden Chaos münden». Nach em Kampf am Afang, wo «allererste Sahne» sig, chömi für sibzg Minuten e Huufe «unglaublich dämlicher Kalauer», dur die me sich «mit aller Macht ... quälen» miessi, damit me dr Schlusskampf gniesse chöing. Im Garthof gfallt nid, dass s Talänt vo de Darschtellerinne Michelle Yeoh und Maggie Cheung verschänkt wärdi und di andere Darschteller findet er schlächt, mit dr Usnahm vom Ng Man-Tat, wo i sinere Rolle als gschpunnige Dokter für «den ein oder anderen wirklich heiteren Moment» sorgi.

Weblinks

• Wu xia qi gong zhu in dr Internet Movie Database
• Holy Weapon uf Michelle Yeoh Web Theatre (änglisch)
• Holy Weapon uf LoveHKFilm.com (änglisch)

Dä Artikel basiert uff ere fräie Übersetzig vum Artikel „Wuxia_qi_gongzhu“ vu de dütsche Wikipedia. E Liste vu de Autore un Versione isch do z finde.