Alemannische Wikipedia

XBIZ

XBIZ LL-Q7976-Mathieu Kappler-XBIZ.wav [ɛksbɪz](info) ìsch a US-àmerikàànisch Verlààgsunternamma, wo Noohrìchta un Informàzioona ìwwer d’ Säxìndüschtrii veräffentligt.[1][2]

XBIZ
Unternähmensform Privately Held Company
Gründig 1998
Sitz Los Angeles, Kàlifornia, USA
Branche Noohrìchta, Pornogràfii, Online-Màrkt
Uffdritt im Netz xbiz.com
Dialäkt: Mìlhüüserdiitsch
dr Sitz vun XBIZ z’ Los Angeles

Naawa siinera Websitta Xbiz.com ärschiint àlla zwai Moneeta-n-a Branchemàgàziin. S’ Unternamma hàlt àui zwaimool ìm Joohr a Massa-n-àb un wìrkt wia-n-a Business-to-Business-Nätzwarker ìnnerhàlb vu dr Pornoìndüschtrii.[3] D’ Vertratter vu dr XBIZ waara hüüfig ìn da Màssameedia zitiart, wänn’s um Trends un Näijigkaita ìn dr Säxìndüschtrii g’rädd wìrd.[4]

XBIZ un àlla Publikàzioona, wo mìt em verbunda sìnn, waara vun Adnet Media verwàlta — ’s ìsch a Firma, wo ànna 1998 vum Alec Helmy, ema Veterààn vu dr Pornoìndüschtrii, grìnda worra-n-ìsch.[2][5] Dr Helmy ìsch üsserdam Grìnder vu dr Association of Sites Advocating Child Protection (ASACP), ema Verain fìr Kìnderschutz.[6]

Produkta ändere

  • XBIZ.com – a Noohrìchtaportààl ìwwer d’ Säxìndüschtrii — doo fìnda m’r Noohrìchta, Termiina, Blogs, verschììdana Dianschtlaischtunga un a Dààtabànk.
  • XBIZ Newswire – a Noohrìchtadianscht un RSS-Feed[7]
  • XBIZ World Magazine – a Branchemàgàziin fìr dr digitààla Màrkt. Ìm Màgàziin fìnda m’r Noohrìchta-n-üss’m täcknischa B’raich, Laitàrtìkel, Màrktànàlüüsa, Trendcharts un Interviews mìt Litt üss dr Branche.[3]
  • XBIZ Premiere Magazine – a Branchemàgàziin fìr dr Ainzelhàndel. S’ Màgàziin, wo friahjer XBIZ Premiere g’haissa hàt, däckt Näihaita vu dr Säxìndüschtrii àb un b’rìchtet ìwwer näija Äntwìcklunga-n-ìm B’raich vu da Videos, da Säxschpììlziggla un àlla wittera B’raicha vum Ainzelhàndel.[8]
  • XBIZ Digital Edition – a Online-Üssgààb vu da baida Zittschrìfta XBIZ World Magazine un XBIZ Premiere Magazine
  • XBIZ Research – Màrktforschung
  • XBIZ.net – Nätzwark fìr Unternammer ìn dr Branche.[3]

Massa ändere

 
uff dr XBIZ Conference 2007 z’ Hollywood

XBIZ hält jeedsjoohr zwai Massa-n-àb: d’ XBIZ LA Conference ìm Wìnter un s’ XBIZ Summer Forum.[3]

D’ XBIZ Los Angeles Conference, wo ìm Hornung schtàttfìndet, bìatet vììlfaltiga Meeglikaita fìr Unternammer vu dr Branche. Doo waara Seminààra-n-àbg’hàlta, Dischkussioonsfoora un àllg’mainliga Debàtta-n-ìwwer d’ Branche. Àui d’ Schtars vu dr Branche tratta-n-uff. Uff dara Massa wara d’ XBIZ Awards verlììha.[1] Uff dr Maasa waara-n-àui d’ näijschta Produkta vorg’schtällt. Uff dr Verànschtàltung ìsch àui a Tààgung vu dr Free Speech Coalition.[9]

XBIZ Forum, d’ Massa ìm Summer, ìsch a Business-to-Bunsiness-Nätzwarkverànschtàltung fìr dr Internethàndel: Doo waara vor àllem G’schaftsbeziihunga pflaagt. D’ Verànschtàltung fìndet jeedsjoohr àn dräi Tààga ìm Hard Rock Hotel and Casino z’ Paradise bii Las Vegas schtàtt. Wia bii dr Wìnterkùmferanz tratta d’ Màcher un Schtars vu dr Branche uff, un ’s gìtt àui a Unterhàltungsprogrààm.[10]

Lüag àui ändere

Weblìnks ändere

  Commons: XBIZ – Sammlig vo Multimediadateie

Ainzelnoohwiisa ändere

  1. ↑ 1,0 1,1 Adult Entertainment Elites to Discuss State of the Industry; Top Stars to Celebrate '09 XBIZ Awards. In: Breitbart Newswires. Archiviert vom Original am 12. Juni 2011; abgruefen am 6. März 2024 (amerikanischs Änglisch).
  2. ↑ 2,0 2,1 Alec Helmy: Popular Webmaster and Adult Crusader. In: The Web Host Industry Review. Archiviert vom Original am 10. April 2010; abgruefen am 6. März 2024 (amerikanischs Änglisch).
  3. ↑ 3,0 3,1 3,2 3,3 XBIZ – The Adult Industry Source. XBIZ, abgruefen am 6. März 2024 (amerikanischs Änglisch).
  4. ↑ a pààr Biischpììler:
  5. ↑ B1Events Attends XBIZ Summer Forum. In: Adult Webmasters Online. Archiviert vom Original am 20. Februar 2010; abgruefen am 6. März 2024 (amerikanischs Änglisch).
  6. ↑ What is ASACP? Association of Sites Advocating Child Protection, abgruefen am 6. März 2024 (amerikanischs Änglisch).
  7. ↑ Morality in Media Takes Another Swing at Online Adult Biz. (Nicht mehr online verfügbar.) In: XBIZ Newswire. Archiviert vom Original am 23. Januar 2010; abgruefen am 6. März 2024 (amerikanischs Änglisch).
  8. ↑ XBIZ, the Hard Rock and Tera Patrick. (PDF) (Nicht mehr online verfügbar.) In: Los Angeles Times. 11. Juli 2008, ehemals im Original; abgruefen am 6. März 2024 (amerikanischs Änglisch). (Site cha nüme abgrüeft wärde; Suche im Webarchiv)[1] [2] Vorlage:Toter Link/www.burningangel.com
  9. ↑ XBIZ LA Announces 2010 Show Schedule. In: XBIZ Newswire. Abgruefen am 6. März 2024 (amerikanischs Änglisch).
  10. ↑ XBIZ, the Hard Rock and Tera Patrick. In: Los Angeles Times. 11. Juli 2008, archiviert vom Original am 13. Juli 2011; abgruefen am 6. März 2024 (amerikanischs Änglisch).
  Dä Artikel basiert uff ere fräie Übersetzig vu dere Version vum Artikel „XBIZ“ vu de hochdütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=XBIZ&oldid=1049498"