Zibelemärit
Der Zibelemärit isch ds Volksfescht, wo z Bärn am vierte Mänti im Novämber gfyret wird. Syt jüngerer Zyt gits en au a angeren Oorte, aber der «ächt» Zibelemärit isch daa vo Bärn.
Der Märit ändere
Scho am Aabe dervor wärden ir Altstadt Ständ ufbbout. Der Märit vat sehr früech am Morge scho aa, u für ne Zibelezopf z übercho mues me früech gnue dört sy. Es wärde nid nume Zibelen aabbotte, sondern o alles mügleche Kunschthandwärch.
Ds Volksfescht ändere
Vom Morge bis spät ir Nacht geit ds Volksfescht. Es wird vil Konfetti gworfe. Zum Ässe git's näb em normale Volksfeschtässe o der Zibelechueche. Wil bi de Konfettischlachte näbe de Konfetti o Plastikhämmerli ygsetzt wärde, u wil's das unter Jugendtleche zimli ruuch cha wärde, isch ds Volksfescht vom Zibelemärit bi vilne nümm beliebt, wo z Bärn sy ufgwachse (im Unterschid zum eigetleche Märit, aber für dä mues men äbe früe ufstah).
Gschicht ändere
Lut em Bärner Volchskundler Rudolf J. Ramseyer geit der Zibelemärit uf d Mitti vom 19. Jahrhundert zrugg.
Literatur ändere
- Hans Erpf: Dr Zibelemärit. Eine kleine Geschichte rund um die Zwiebel und den Berner Zibelemärit nebst zahlreichen schmackhaften Zwiebelrezepten. Mit einer Betrachtung zum „Tag der Zwiebel“ von Ueli dem Schreiber. Verbandsdruckerei, Bern 1977, ISBN 3-7280-5053-9.
- Hans Erpf, Mario Barisi: Dr Märit z Bärn. Geschichten, Episoden, Verse und Bilder rund um die Berner Märkte. Erpf, Bern 1982, ISBN 3-256-00043-6.
- Hans Erpf, Natalie Ulmann (Fotos): Dr Zibelemärit und rund um die Zwiebel von A–Z. Mit über 100 Rezepten. Fischer, Münsingen 1990, ISBN 3-85681-223-7.
- Rudolf J. Ramseyer: Zibelemärit, Martinimesse. Emmentaler Druck, Langnau 1990, ISBN 3-85654-915-3.
- Edith Schweizer-Völker: Schweizer Volksfeste. Mondo, Vevey 1995, ISBN 2-88168-594-3.
- Adrian Bänninger: Sechseläuten und Morgestraich. Die schönsten Feste und Bräuche der Schweiz. Geschichte und Gegenwart. Diederichs, Kreuzlingen 2007, ISBN 978-3-7205-3029-3.
Wäblinks ändere
Commons: Zibelemärit – Sammlig vo Multimediadateie- Info zum Zibelemärit uf dr Websyte vor Stadt Bärn