Dr Zschokke-Brunne
Koordinate: 47° 33′ 15,1″ N, 7° 35′ 39,5″ O; CH1903: 611718 / 267065
| Dialäkt: Baseldütsch |
Dr Zschokke-Brunne oder Drei Lääbesalter-Brunne befindet sich am Egge vom Dalbegraabe und dr Dufourstrooss bim Kunstmuseum z Baasel. Er isch e Wärk vom Baasler Bildhauer Alexander Zschokke und stoot nit under Dänggmolschutz.[1]
Dr underi Däil vom Brunne isch 1935 in Betriib gnoo worde, d Figuur oobe uf dr Süüle stammt us em Joor 1941.[1]
Beschriibig ändere
Dr Zschokke-Brunne het e runde Droog us Beton mit Naturstäi draa, wo achzig Santimeter hooch isch, e Durchmässer vo nüün Meter het und 50'000 Liter Wasser fasst. Es het e Süüli mit ere runde Bronseschaale draa in dr Middi vom Brunne. Die Schaale het e Durchmässer vo vier Meter und isch die grössti Schaale, wo je in dr Schwiz am Stügg gosse worde isch. Uf em Rand vom Brunne het s drei Wasserspöier und au in dr Bronseschaale si meereri Wasserspöier versteggt. Uf dr Schaale stoot e Soggel us Iise mit e Hufe Figure vo Mensche und Dier, wo Wasser us iire Müüler sprützt. Oobe uf em Soggel stöön drei männligi Gstalte us verschidnige Lääbesabschnitt: E Tiineidscher, wo Flööte spiilt und e chli verdröimt driiluegt, e junge Maa mit em Bligg in d Witi vo dr Wält am Rhii, und en alte Maa, wo uf em Kopf e Lorbeergranz het.[1]
Weblingg ändere
Fuessnoote ändere
- ↑ 1,0 1,1 1,2 Zschokke-Brunnen uf brunnenfuehrer.ch, abgrüeft am 30. Januar 2014