Zuckermanns Farm – Wilbur im Glück
Zuckermanns Farm – Wilbur im Glück (Originaltitel: Charlotte's Web) isch e US-amerikanische Zaichetrickfilm-Musical vu Hanna-Barbera Cartoons, Inc. us em Johr 1973. Är basiert uf em Roman Wilbur und Charlotte (Originaltitel: Charlotte’s Web) vum E. B. White. Anne 2003 isch d Furtsetzig Schweinchen Wilburs großes Abenteuer erschine, wu diräkt fir dr Video- un DVD-Märt produziert woren isch.
| Filmdate | |
|---|---|
| Dütsche Titel | Zuckermanns Farm – Wilbur im Glück |
| Originaltitel | Charlotte's Web |
| Produktionsland | USA |
| Originalsprooch | Änglisch |
| Erschiinigsjoor | 1973 |
| Lengi | 94 Minute |
| Altersfreigoob | FSK o. A. |
| Stab | |
| Regie | Charles A. Nichols Iwao Takamoto |
| Dräibuech | Earl Hamner Jr. |
| Produktion | Hanna-Barbera |
| Muusig | Irwin Kostal |
| Schnitt | Larry C. Cowan Pat Foley |
| Bsetzig | |
| |
Handlig
ändereUf em Buurehof vum Homer Zuckermann läbt e jung Seili mit Name Wilbur. Wu dr Wilbur hert, ass er soll gmetzget wäre, grotet er in Panik. Derno drifft er aber d Spinnobele Charlotte, wu Werter uin ihne Spinnobelenäscht wäbt un dodermit dr Buur iberzygt, ass dr Wilbur e ussergwehnligs Dier sei, wu mer nit sott metzge.
Produktion un Vereffetlichung
ändereDr Film isch vu Hanna-Barbera unter dr Reschi vum Charles A. Nichols un em Iwao Takamoto produziert wore. D Musik vum Film isch vu dr Sherman-Brieder komponiert wore.
Dr Film isch vu Paramount Pictures in dr USA am 1. Merz 1973 vereffetligt wore. S het e Vorpremiere z New York City am 22. Februar 1973 gee. Dr Film isch am 30. Merz 1973 z Weschtdytschland, am 11. Augschte z Schwede un am 25. Augschte z Japan vereffetligt wore.
Rezeption
ändereDr E. B. White isch nit zfride gsii mit dr filmische Umsetzig vu sym Roman. Är het iber dr Film gsait: „D Gechicht wird all baar Minute unterbroche, ass eber e frehlig Lied cha singe. Ich halt nit vyl vu frehlige Lieder.“ un het e bschribe as „Disney World mit 75 Posuune“.[1]
Anne 2000 het d Marjorie Baumgarten im Austin Chronicle gschribe, dass d Animation bi däm Film besser sei wie s Mittelmaß vu sunschtige Hanna-Barbera-Produktione un d Uuswahl vu dr Sprächer sei hervorragend.[2]
Fueßnote
ändere- ↑ Boston Globe: Bard of the barn
- ↑ The Austin Chronicle Charlotte's Web
Literatur
ändere- E. B. White: Wilbur und Charlotte (Originaltitel: Charlotte's Web). Deutsch von Anna Cramer-Klett. Zeichnungen von Garth Williams. Diogenes, Zürich 2007, 213 S., ISBN 978-3-257-23524-1 oder ISBN 3-257-23524-0
Weblink
ändere- Zuckermanns Farm – Wilbur im Glück in dr Internet Movie Database
- Sammlig vo Kritike zue Zuckermanns Farm – Wilbur im Glück uf Rotten Tomatoes (änglisch)
|
Dä Artikel basiert uff ere fräie Übersetzig vum Artikel „Zuckermanns_Farm_–_Wilbur_im_Glück“ vu de dütsche Wikipedia. E Liste vu de Autore un Versione isch do z finde. |