Abart

Dialäkt: Baseldütsch

Dr Abart (bürgerlig Nico Jucker) isch e Schwiizer Rapper. Er isch Mitgliid vom Basler Blattelabel Triple Nine Recordings.

Biografii

1997 het dr Abart afo rappe. Zsämme mit em MC Salamander het er d Rapband Taktpakt bildet, wo hüte no existiert. Si hai im ene Ufnahmstudio z Oberwil BL grappt. An der Hip Hop Night in dr Kasärne Basel hai si e Song live ufgfüehrt, wo vo Def Cut produziert worden isch. Spöter isch dr DJ Tho zur Band choo, wo vor allem für d Cuts verantwortlig gsi isch. Denn het s no meh Live-Ufdritt gee, meistens in chliinere Lokäl, aber si si mit andere Bands au im Summercasino ufdräte. En anonyme Broduzänt isch denn no drzuechoo und si si as Vorband vo bekannte Artiste wie Blumedopf oder Double Pact ufdräte. Ändi 2001 hai si zsämme mit SimonAyEm und Black Tiger e Mini-Tour in dr Schwiiz gmacht. Aafang 2002 isch die ersti Single Grundstai as CD und Vinyl über WB-Tal Records veröffentligt worde. Nochere arbetsbedingte Pause isch 2004 Streettape erschiine in Kollaboration mit dr Sissacher Rapband «Freakanoid». Im gliiche Johr isch d EP Wasch wichtig zur Zit uusechoo. Denn isch s wider still um d Band und um e Abart sälber worde.

Im Johr 2007 het im Abart siis aktuelle Label Triple Nine Recordings si Debütalbum Wäggselspil uusegee. Noch mehrere Freetracks und em Mixtape Netzteil, wo gratis gsi isch und hauptsächlig Remixes vo eltere Tracks din gsi si, isch 2009 s zweite Solo-Album Anderscht unterwäggs erschiine. Zsämme mit de andere Triple Nine Recordings-Mitgliider isch dr Abart au uf de beide Sampler giftig (2007) und dräggig (2009) verdräte. Zu de Songs «Clubhanger», «Maschinerie» und «Sänkrächtstarte» het dr Abart offizielli Videoclips veröffentligt.

Diskografii

2007: Wäggselspil
2008: Netzteil (Online-Mixtape)
2009: Anderscht unterwäggs

mit Taktpakt

2002: Grundstai (EP)
2004: Streettape (mit Freakanoid)
2004: Wasch wichtig zur Zit (EP)

Freetracks

2007: Boombätzrap
2007: Kids liebe dä Shit
2007: Double
2008: Hammrgspann (feat. Zitral)
2008: My Life (Remix) (feat. Kid Bakabu & Contrast)
2008: Jede griegt was'r verdient
2009: Propsaganda
2009: Du (feat. Mr. Fierce)
2009: Alex 13
2010: Freinacht (feat. Brandhärd)

Weblingg

Dä Artikel basiert uff ere fräie Übersetzig vum Artikel „Abart_(Rapper)“ vu de dütsche Wikipedia. E Liste vu de Autore un Versione isch do z finde.