Adolf Heer

Dr Adolf Heer (* 13. September 1849 z Vehrebach im Schwarzwald; † 29. Mai 1898 z Karlsrueh) isch e dütsche Bildhauer gsi.

Adolf Heer

Läbe

Dr Adolf Heer isch als Soon vom Bildhauer Joseph Heer z Vehrebach im Schwarzwald uf d Wält cho. Er het bi sim Vatter und bi sim Onkel Carl Heer, wo s Bildhauergschäft Gebrüder Heer betribe händ, de Pruef glehrt.

Dr Heer het den a der Kunstgwärbschuel z Nürnbärg und a der Kunstakademii z Berlin studiert. Z Berlin het er i de Atelie vom Rudolf Siemering und vom Alexander Calandrelli gschaffet, und derno vo 1873 bis 1875 z Dresden bim Adolf Breymann. Vo ane 1877 bis is 1880i isch er z Rom gsi zum d Kunstwärch us der antike Zyt z studiere.

Ane 1881 isch dr Heer Profässer a dr Kunstgwärbschuel z Karlsrueh worde, und das isch er bis zu sim früene Tod 1898 blibe.

Wärch

• Bade-Bade:
  • Figure vom Kaiserin-Augusta-Bad
• Eschinge:
  • Figuregruppe bi der Donaukwelle
• Heidelbärg:
  • s Scheffel-Dänkmol
  • Figure am Neue Rothuus
  • Büste vom Georg Gottfried Gervinus
  • Bronzefigure „Wüsseschaft und Fama“ für d Universität
• Karlsrueh:
  • Allegorischi Figuregruppe „Feschtfreud und Ruhm“ a dr Feschthalle
  • Grabmal vom Scheffel
  • Ryterstandbild vom Kaiser Wilhelm I.
• Neudinge:
  • Zwei Ängelsfigure für Maria-Hof
• Osnabrück:
  • Ryterstandbild vom Kaiser Wilhelm I.

• 
  Figure bi der Donaukwelle z Eschinge
• 
  s Scheffel-Dänkmol z Heidelbärg
• 
  Kaiser Wilhelm-Dänkmol
• 
  Georg Gottfried Gervinus

Weblink

 Commons: Adolf Heer – Sammlig vo Multimediadateie

• Cathiau: Adolf Heer. In: Friedrich von Weech, Albert Krieger (Hrsg.): Badische Biographien. V. Teil. 1891–1901. Heidelberg 1906, S. 263–267.
• Gschicht vom Kaiser-Wilhelm-Dänkmol z Karlsrueh
• Gschicht vo dr Figuregruppe bi dr Donaukwelle