Agnes Monica

D Agnes Monica (* 1. Höimonet 1986 z Jakarta; birgerlig Agnes Monica Muljoto) isch e indonesischi Popsängeri un Songschryyberi.

Lääbe ändere

D Agnes het iiri Karriere as Sängere im Alter vo säggsi aagfange. Si drei Album uusegee und meereri Färnseeshous im Chinderbrogramm moderiert. As Jugendligi het si as Schauspiilere afo schaffe. Mit iirem Ufdritt in dr Säifenopere Pernikahan Dini (2001) isch si im ganze Land bekannt worde. 2003 het si s Album And the Story Goes uusegee und sich as erwachseni Künstlere brofilierte. Dr internazional Durchbruch isch mit iirem zwäite Album Whaddup A '..? (2005) choo. D Agnes isch au in de taiwanische Dramaserie The Hospital und Romance in the White House ufdräte.

2008 und 2009 het si dr Best Asian Artist Award für iiri Läistige bim Asia Song Festival z Seoul, Südkorea gwunne. Bi iirem dritte Album Sacredly Agnezious (2009) isch si au Broduzänt und Songwriter gsi. Im Joor 2010 isch si in dr Schüri vo dr Castingshow Indonesian Idol gsässe und isch äine vo dr internazionale Gastgääber uf em rote Teppig vo de American Music Awards 2010 z Los Angeles gsi.

Näben iirem kommerzielle Erfolg het d Agnes as Sänger mee Uszäichnige as jedi anderi in Indonesie überchoo; drunder si zää Awards vo dr Anugerah Music Indonesia, siibe Panasonic Awards und vier MTV Indonesia Awards. Si fungiert as Anti-Droge-Botschaftere vo Asie und as Botschaftere vo MTV EXIT zur Bekämpfig vom Menschehandel.

Diskografii ändere

Si Meong (1992)
Yess! (1995)
Bala-Bala (1996)
And the Story Goes (2003)
Whaddup A.. '?! (2005)
Sacredly Agnezious (2009)
Agnez Mo (2013)

Filmografii ändere

Mr Hologram (1999)
Pernikahan Dini (2001)
Amanda (2002)
Ciuman Pertama (2002)
Cinta Selembut Awan (2002)
Cewekku Jutek (2003)
Cantik (2004)
Bunga Perawan (2004)
Ku 'Tlah Jatuh Cinta (2005)
Pink (2006)
Romance In The White House (2006)
The Hospital (2006)
Kawin Muda (2006)
Jelita (2008)
Kawin Masal (2008)
Pejantan Cantik (2010)
Mimo Ketemu Poscha (2012)

Weblink ändere

Websyte
Agnes Monica in de Internet Movie Database (änglisch)

Dä Artikel basiert uff ere fräie Übersetzig vum Artikel „Agnes_Monica“ vu de dütsche Wikipedia. E Liste vu de Autore un Versione isch do z finde.