Airbus
D' Airbus isch en Luftfahrtkonzern mit Sitz in Toulouse. Si schtellt vor allem kommerzielli Passagierflugzüg her.
| AIRBUS S. A. S. / Airbus Operations GmbH | |
|---|---|
 | |
| Unternähmensform | Gsellschaft mit bschränkter Haftig (Airbus z Dütschland), Société par Actions Simplifiée (Airbus z Frankriich) |
| Gründig | 1970 als Airbus Industrie (GIE) |
| Sitz | Airbus Operations GmbH Hamburg-Finkenwerder, Dütschland AIRBUS S.A.S. Toulouse, Frankriich |
| Leitig |
Guillaume Faury (Vorstandsvorsitzender)[1] |
| Mitarbeiter | 80.985 (2019)[2] |
| Umsatz | 54,775 Miliarde EUR (2019)[3] |
| Uffdritt im Netz | www.airbus.com |
Gschicht
ändereAirbus isch 1970 als Airbus industries mit em Ziel, es gmeinsams, europäisches Verkehrsflugzüg z' konstruiere, gründet worde. S'erschte Flugzüüg, de Airbus A300B2, isch am 28. Oktober 1972 s' erschtmal gfloge. S'erschte Serieflugzüüg isch den am 30. Mai 1974 a d Air France usgliferet worde. Das isch aber scho ä verbessereti Variante, de A300B4, gsii und isch länger gsii als de Prototyp. Es isch ds erschte Grossruumflugzüüg gsi, mit nur zwöi Triibwärch. Es Grossruumflugzüüg het bis zu däm Zytpunkt immer mindischtens drüü Triibwärch gha.
Bi der Vermarktig vom Airbus A300 het sech Airbus öppis speziells yfalle la, um Chunde i der USA z gwinne. Airbus het der amerikanische Fluggsellschaft Eastern Air Lines vier Flugzüüg für sächs Mönet zum usprobiere zur verfüegig gstellt u zwar gratis. Sämtlechi Chöschte für d Wartig u Servic het Airbus überno. Lediglich d Pilote u ds Kerosin het Eastern Airlines sälber zalt. So isch es cho, das die Fluggsellschaft über di Jahre 32 Flugzüüg gchouft het u Airbus i der USA het chönne fuessfasse.[4]
Eis vo de Erfolgrychschte Flugzüüg wo bis hüt boue wird isch der Airbus A320. Ou bi däm Flugzüüg isch Air France eine vo de Erschtchunde gsi. Der dritti Airbus A320 wo je isch boue worde, het Airbus A320-111 gheissen u isch ou a Air France isch usgliferet worde. Das Flugzüüg isch allerdings nid elter drei Tag worde. Dä Flüüger isch wäret em Air-France-Flug 296 am 26. Juni 1988, bi der erschte öffendleche Vorfüehrig vom A320, bim überflüüge vom Flugplatz Mühlhuuse-Habsheim i d Böim gfloge u het e totalschade erlitte. Der Absturz het zu Diskusione gfüehrt u der Erfolg Airbus A320 isch unsicher gsi. Der Unfall het em A320 allerdings nid gschadet.
Airbus het du ou ds gröschte Passagierflugzüüg vor Wält boue, der Airbus A380. Doch das Flugzüüg het sech du wyt weniger guet verchouft als erwartet. Underanderem isch das am Airbus A380-800 gläge. Bi däm het me nämlech d Dragflächine z gross konstrueier, damit me de der Airbus A380-900, wo wäsendlech länger wär gsi, z boue. Doch Airbus het die Variante vom A380 nie boue. Nach däm d Fluggsellschaft Emirats ihri di Bstellti Azahl a Flugzüüg redutziert het u Quantas im Undernäme mit teilt het, das si acht Airbus A380 nid wärde übernäh, het Airbus beschlosse der Bou vom A380 im Jahr 2021 yzstelle.[5]
Im Mai 2019 het Airbus di 12.000 Maschine usgliiferet. Es het sech derby um ne Airbus A220 für Delta Air Lines ghandlet.[6] Vo der 6.000 Maschine bis zu der 12.000 Maschine het Airbus 9 Jahr bruucht. Glychzytig mit der 12.000 Maschine het Airbus ou no grad der 50. Geburtstag chönne fyre.
Externi Site
ändere
Commons: Airbus – Sammlig vo Multimediadateie- Offiziälli Internetsite mit Airbus Dütschland (Änglisch)
- Airbus Military, Site für d_Militärflugzüg vu Airbus
Quelle
ändere- ↑ Guillaume Faury. Abgruefen am 27. Dezember 2019 (änglisch).
- ↑ Anzahl der Beschäftigten der Airbus Group in den Jahren 2017 und 2019 nach Geschäftssegmenten. In: Statista. Abgruefen am 15. Februar 2020.
- ↑ Airbus reports Full-Year (FY) 2019 results, abgerufen am 28. November 2020
- ↑ 50 JAHRE AIRBUS! Video vo AeroNewsGermany vom 29. Mai 2019 (youtube.com)
- ↑ A380-Programm wird 2021 beendet! Emirates kauf A350! Es Video vo AeroNewsGermeny vom 14. Februar 2019 (youtube.com)
- ↑ A220 für Delta Air Lines Airbus liefert 12000. Flugzeug aus. E Artikel us der Flugrevue vom 21. Mai 2019 (Flugrevue.de)