al-Adil II.
Dr Al-Adid II., mit vollem Name Saif ad-Din al-Malik al-Adil Abu Bakr ibn Nasir ad-Din Muhammad (arabisch سيف الدين الملك العادل أبو بكر بن ناصر الدين محمد, Umschrift: Saif ad-Dīn al-Malik al-ʿĀdil Abū Bakr b. Nāṣir ad-Dīn Muḥammad; uf d Wält cho 1222; gstorbe 1248), isch vo 1238 bis 1240 dr fümft Sultan vo de Ayyubide z Ägypte gsi.
Dr Al-Adil II. isch e Sohn vom Sultan al-Kamil gsi. Noch em al-Kamil siim Dod im Johr 1238 isch dr achtzähjöhrig al-Adil II. Sultan vo Kairo worde. Denn si wider heftigi Machtkämpf under de Ayyubide usbroche. Es isch em nit glunge, sich gege siini Verwandte z Syrie durezsetze. D Mongole hai d Schwächig vo de Ayyubide wägem Bürgerchrieg usgnützt für zum dr Nordirak z erobere. Denn isch au 1239 e Chrüzzug under em Theobald IV. vo Champagne acho, wo Askalon bsetzt und beu befestigt het. In de innerislamische Machtkämpf het sich schliesslig em al-Adil si Halbbrueder, dr as-Salih Ayyub duregsetzt. Noch em Runciman haig dr al-Adil II. siini Minister vor e Chopf gstosse, won er d Regierig eme junge Schwarze, won er gärn gha het, averdraut het. En erfolgriichi Verschwörig het in Ändi Mai / Anfangs Juni 1240 abgsetzt, und dr as-Salih Ayyub isch igelade worde, dr ägyptisch Dron z überneh.
Dr Al-Adil II. isch in Gfangenschaft bliibe, bis er 1248 gstorben isch.
Literatur
ändere- Mayer, Hans Eberhard: Geschichte der Kreuzzüge, Verlag W. Kohlhammer GmbH, 1995. S. 226
- Runciman, Steven: Geschichte der Kreuzzüge, Sonderausgabe in 1 Band, Verlag H.C. Beck, München 1978. S. 990,992
Weblingg
ändere
|
Dä Artikel basiert uff ere fräie Übersetzig vum Artikel „Al-Adil_II.“ vu de dütsche Wikipedia. E Liste vu de Autore un Versione isch do z finde. |