al-Malik (Ayyubiden)

Dr al-Malik al-Aziz (arabisch أبو الفتح الملك العزيز عماد الدين عثمان بن صلاح الدين يوسف, Umschrift: abū l-fatiḥ al-malik al-ʿazīz ʿimād ad-dīn ʿuṯmān b. salāḥ ad-dīn yūsuf, uf d Wält cho 1171 z Kairo; gstorbe 1200) isch dr zweit Sultan vo de Ayyubide z Ägypte (1193–1200) gsi und e jüngere Sohn vom Saladin. Zur Underscheidung vom Fatimide-Kalif al-Aziz (uf d Wält cho 955, gstorbe 996) wird er hüfig mit al-Malik, dr König, bezeichnet.

Dr al-Malik isch 1193 dr Nochfolger vom Saladin (1171–1193) worde. Allerdings het dr Saladin vor siim Dod Syrie, Palästina und dr Jemen siim Sohn al-Afdal, Nordsyrie eme andere Sohn, em az-Zahir, und Nordmesopotamie siim Brueder Abu Bakr ge. Die Deilig vom Riich het bald zum Usbruch vo Machtkämpf gfüehrt. Währed dene isch s im Saladin siim Brueder Abu Bakr glunge, vo Mesopotamie us Ägypten z bsetze und dr al-Malik z stürze. Dr Abu Bakr het denn d Herrschaft under em Thronname al-Malik al-Adil I. (1200–1218) übernoh.

Dä Artikel basiert uff ere fräie Übersetzig vum Artikel „Al-Malik_(Ayyubiden)“ vu de dütsche Wikipedia. E Liste vu de Autore un Versione isch do z finde.