Albert Malbois
| Dialäkt: Owerelsassisch |
Dr Albert-Georges-Yves Malbois (* 17. Novamber 1915 z’ Versailles; † 12. Hornung 2017 z’ Saint-Germain-en-Laye, Département Yvelines) ìsch a frànzeescher reemisch-kàthoolischer Gaischtliger gsìì. Vu 1966 bis 1977 ìsch’r Bischoof vu Corbeil gsìì.
si Laawa
ändereDr Albert Malbois ìsch ànna 1915 z’ Versailles, südwäschtlig vu Pàris, uf d’ Walt kumma. Ar hàt Filosofii un kàthoolischa Gotteslehr gschtudiart un ìsch àm 29. Jüni 1938 àls Priaschter gwäijt worra. Dernoo hàt’r ìm Bìschtumm Versailles mehrera-n-Amter üssiawt; drunter ìsch’r ànna 1939 Vikàr gsìì z’ Saint-Cloud. Ìm Bìschtumm Versailles ìsch’r z’lätscht Generàlvikàr gsìì.[1]
Àm 9. März 1961 hàt ìhn dr Pàpscht Johànnis XXIII. àls Titülàrbischoof vun Altava un Wäihbischoof vu Versailles ärnännt. D’ Bischoofswäih hàt dr Malbois àm 22. Àwril vum gliicha Joohr ämpfànga, dur dr Arzbischoof vu Lyon Alexandre-Charles Kàrdinàl Renard; doo drbi sìn d’ Mìtkonsekràtoora dr Bischoof vu Chartres Roger Michon un dr Bischoof vu Meaux Jacques Ménager gsìì. Ìm Malbois si Motto àls Bischoof ìsch s’ làtiinischa „Veni Domine Jesu“ gsìì („Kumm, Härr Jesüs“, Offb 22,20 VUL).[1]
Zwìscha 1962 un 1965 hàt dr Bischoof Malbois àn àlla viara Sìtzungsperiooda vum Zwaita Vàtikànischa Konzil mìtgmàcht.[2] Ar ìsch dr jìngschter frànzeescher Konzilvàtter gsìì.[1]
Àm 9. Oktoower 1966 ìsch dr Malbois vum Pàpscht Pooli VI. àls dr äärschta Bischoof vum Bìschtumm vu Corbeil ärnännt worra. Dr Bìschtumm ìsch eewa grìnda worra gsìì. Wahrend sina Bischoofswìrda hàt sìch dr Malbois schtàrk fìr dr Religioonabund un fìr a verschtärkta seelsorgerischa Orgànisàzioon vu dr Kìrich iigsätzt.[3]
Gesundhaitshàlwer hàt dr Malbois si Rucktrìtt vorgschtällt, wo dr Pooli VI. àm 13. Septamber 1977 ààgnumma hàt. Vu 1978 bis 1988 ìsch’r àwwer Laiter gsìì vum Zäntràlràt vu dr Missionsàrwet z’ Lyon.[1][3]
Wo dr Bischoof Géry Leuliet àm 1. Janner 2015 gschtoorwa ìsch, ìsch dr Malbois dr äältschta frànzeescha Bischoof worra. Àb Àuigscht 2016 ìsch’r dr äältschta Bischoof ìm Öiropà gsìì.[2]
Dr Albert Malbois ìsch àm 12. Hornung 2012 z’ Saint-Germain-en-Laye süüdlig vu Pàris gschtoorwa, ìm Àlter vu 101 Joohra. Beardigt worra ìsch’r àm 20. Hornung ìn dr Bischoofskruft vum Mìnschter vun Évry. Ar ìsch dr äärschta Bischoof gsìì, wo ma doo beardigt hàt.[4]
Weblinks
ändere- Yytrag zue Albert Malbois uf catholic-hierarchy.org (englisch)
Ainzelnohwiisa
ändere- ↑ 1,0 1,1 1,2 1,3 Mgr Albert Malbois, doyen de l’épiscopat français, est décédé. In: La Croix. 13. Februar 2017, abgruefen am 13. August 2021 (französisch).
- ↑ 2,0 2,1 Décès du doyen des évêques d'Europe. In: cath.ch. Centre catholique des médias, 13. August 2021, abgruefen am 13. August 2021 (französisch).
- ↑ 3,0 3,1 Mgr Albert Malbois. Bìschtumm vun Évry-Corbeil-Essonnes, archiviert vom Original am 2. April 2019; abgruefen am 13. August 2021 (französisch).
- ↑ Nolwenn Cosson: Evry : le créateur du diocèse a été inhumé dans la cathédrale. In: Le Parisien. 20. Februar 2017, abgruefen am 13. August 2021 (französisch).
| Vorgänger | Amt | Nachfolger |
|---|---|---|
| — | Bischoof vu Corbeil 1966–1977 | Guy Herbulot |