Albin Braig
| Dialäkt: Schwäbisch |
Dr Albin Braig (* 1951 en Schduagert) isch dr Sohn vom Otto Braig der wo anno 1968 dia Komede-Scheuer en dr Mäulesmühle grendet hot. Vorher henn se en dr benachbarten Burkhardtsmühle g'schpielt.
Aufgwachsa isch dr Albin en Weilimdorf. Heit lebd dr glernte Schriftsetzer en Herraberg.
Dr Albin hot Johrzehnde lang an dr Seit von seim Vaddr en dr Komede-Scheuer gschbild. Seit 1994 tritt er mit´m Karlheinz Hartmann reglmäsich en dr Komedereih "Hannes und der Bürgermeister" uff.
Sei Sohn, dr Bastian Braig, produziert enzwischa dia ganze Sendunga ond Theatrschtickla.
Seit 2004 gibds jetzt a oigene reglmäsiche Färnsähsendong em SWR: "Freunde in der Mäulesmühle", wo dr Albin mit seim Fraind Karlheinz Hartmann Gäschd eilada duat, mit Sketch, ond Mussig, die Herrn Stumpfes Zieh- und Zupfkapelle spilt.
Weblink
ändere- Komede-Scheuer Mäulesmühle
- Mundart sollte auch gescheit sein (Site cha nüme abgrüeft wärde; Suche im Webarchiv) (Stuttgarter Zeitung, 08.12.2009)
- „Oifach gut glaufe un Glick ghet!“ (Site cha nüme abgrüeft wärde; Suche im Webarchiv) (Pfalz-Echo, 15.07.2015)