Herrn Stumpfes Zieh- und Zupfkapelle

Dialäkt: Schwäbisch

Herrn Stumpfes Zieh- & Zupfkapelle isch a schwäbische Band (odr au Kapell) vo dr Ostalb rond om Aala. S senn bloss vier Leit: Manfred Arold, Benny ‚Banano’ Jäger, Michael ‚Flex’ Flechsler und Marcel ‚Selle’ Hafner. Se spielet Tuba, Posaune, Akkordeon, Waschbrett, Kontrabass, Bassflügelhorn, Gitarra, Banjo, Kindersaxophone, Melodica, Tenorhorn, Trompet, Ziehflöt ond so weidr. On älle den au senga, ond zwar älle Liader uff schwäbisch, moischtens en dr Variante vo dr Ostalb.

Gschicht vo dr Band ändere

1992 hot älles ogfanga mit Ufftritt en Schwäbisch Gmendd.

1994 hent se ihrn ersta Fernsähufftritt ghet, uffzeichet en dr Mäulesmühle beim Albin Braig ond 1997 isch de erscht CD rauskomme. 1999 hot s dritt Programm em Südwesta (SWR) a halbstendige Sendong mit enna gmacht. Dr Namensgäber, dr Stephan Stumpf, hot bis ens Johr 2000 selbr au mitgschpielt, nämlich an dr Gitarr.

Ofangs (bzw. so etwa bis 1998) senn se emmer zamma mit em Albin Braig on em Karlheinz Hartmann ufftretta. Se senn also mit em Hannes ond em Bürgermeischter uff Tour gwä. Mittlerweile touret se au alloi.

Em Dezämbr 2001 het dr SWR wiedr a Konzärt uffzeichnad, en dr Seminarturnhalle en Nagold. Dr Mitschnitt davo isch als DVD erheltlich.

Diskografie ändere

  • 1997 "Badenkele 'n' Klee"
  • 1998 "Unterwegs im Silberrausch" (Live)
  • 2001 "Drhoim"
  • 2002 "Live aus Nagold", uffzeichnad en Nagelt (VHS-Video, 2009 als DVD)
  • 2002 "Frummzigg"
  • 2004 "abandasee" (Maxi Single)
  • 2005 "Sei wie Du"
  • 2005 "Wir haben eine Fahne" (Maxi Single)
  • 2007 "Stumpfes Live", uffzeichnad en Laoba (Doppel CD / DVD),
  • 2008 "Henderscheviersche"
  • 2011 "Wohlwär"
  • 2012 "20 Lieder aus 20 Jahren"
  • 2014 "Ogottogott"
  • 2014 "20 Jahre Jubel-Tour Live" (DVD)
  • 2017 "sehr sogar"

Weblink ändere