Nagld
Nagld (amtlich Nagold) isch a Schdadd en Bada-Wirddabärg, rond 50 Kilomedor sidlich vo Pforza. Nåch dor Graessdadd Calb isch Nagld d´ zwåedgraeschda Schdadd em Landgraes Calb ond seid em 1. Januar 1981 Graosa Graesschdadd.
| Wappe | Dütschlandcharte | |
|---|---|---|
|
| |
| Basisdate | ||
| Bundesland: | Bade-Württebärg | |
| Regierigsbezirk: | Karlsrua | |
| Landchreis: | Calb | |
| Höchi: | 411 m ü. NHN | |
| Flächi: | 63,1 km² | |
| Iiwohner: |
22.985 (31. Dez. 2022)[1] | |
| Bevölkerigsdichti: | 364 Iiwohner je km² | |
| Poschtleitzahle: | 72191–72202 | |
| Vorwahle: | 07452, 07459 | |
| Kfz-Chennzeiche: | CW | |
| Gmeischlüssel: | 08 2 35 046 | |
| Stadtgliderig: | Kernsdadd ond achd Schdadddåel | |
| Adress vo dr Stadtverwaltig: |
Marktstraße 27 72202 Nagold | |
| Webpräsenz: | ||
| Oberburgermeischter: | Jürgen Großmann (CDU) | |
| Lag vo dr Stadt Nagold im Landchreis Calb | ||
 | ||
| Dialäkt: Schwäbisch |
Vo Aldors här isch Nagld a wirddabärgischa Schdadd. Nagld ghaerd jetz zwår vorwaldongsrächdlich zom badischa Regierungspräsidium Karlsrua. Abor wirdschaflich ond kuldurell laofed älle wichdige Vorbendonga en dor wirdschafdlich attraktive Bereich Bebleng/Sendlfeng, mo blos 25 Kilomedor weid wägg isch, ond weidor nåch Schduagord.
Nagld isch s´Middlzentrom fir d Flägga dromrom: Äbhausa, Aldasdåeg, Egahausa, Håedorbach, Raordorf, Semmorsfäld ond Wildbärg. Ausordem send ao dia zwåe benåchborde Flägga Jeddeng ond Metzeng, båede em Landgraes Bebleng gläaga, schdarg nåch Nagld ausgriichd.
Durch d´ Landesgaardaschao 2013 håd Nagld schdeddebaulich vil gwonna. Glei sidlich ond wäschdlich vo dor Ennaschdadd isch on graosor audofreior Bereich endschdanda, mo gärdnorisch schee ãglegd isch ond zom Erhola aeläd. Där Bereich gåd vom Zẽmafluss vo dor Nagld ond dor Waldach ã bis zom Europapark ond Freibad nom.
Geografi ond Geologi
ändereNagld leid enora graesora Daalweidong, zwisch-m Obere Gae em Oschda ond-m Schwarzwald em Wäschda, am Zẽmafluss vor dor Nagld ond dor Walddach. D´ Nagld kommd vo Nordwäschda här ond machd on ganz scharfa Gnigg nåch Norda. D´ Waldach fliasd vo Sida en d´ Nagld nae.
D´ Kernschdadd vo Nagld leid am rächda Flussufor. Uff dor andora Seid vom Fluss leid uff-ma Bärgschborn d´ Ruine Hohanagold, uff-ra Haeche vo 529,9 m ü. NHN.
à de Seida vom Nagolddaal kommd dor Raode Bondsandschdoe raus, där må fir dor nerdlich Schwazwald tibisch isch. Iborm Bondsandschdoe leid uff de Haechena dor Muschlkalk, em Oschda uff dor ganza Gaeseid, em Wäschda dorgega blos no an oenzelne Schdella, zom Beischbil uffm Kabf bei Egahausa, weil dor Bondsandschdoe em Schwarzwald ansonschda komblädd ãdraa wårda isch.
Nåchborgmaendena
ändereEm Uhrzaegor nåch liged folgende Schdedd ond Gmaendena om Nagld rom:
Em Norda Wildbärg (Graes Calb), em Oschda ond Sidoschda Jetteng ond Metzeng (båede Landgraes Beblenga), em Sida Raodaburg (Landgraes Dibenga), Eidenga ond Horb (båede Landgraes Fraedaschdadd), em Wäschda Håedorbach, Raordorf ond Äbhausa.
Stadtgliederung
ändereS´ Schdaddgebiid vu Nagld glidered sich en d´ Kernschdadd Nagld (12.602 Aewonor zom 30. Juni 2008[2]) ond achd Schdadddåel:
- Emmenga (1575 Aewonor)
- Gendreng (856 Aewonor)
- Haochdorf (2075 Aewonor)
- Iselshausa (1412 Aewonor),
- Mendersbach (541 Aewonor),
- Pfraodorf (693 Aewonor),
- Schiadenge (487 Aewonor) ond
- Vollmareng (1668 Aewonor).
Dia Schdadddåel send frior sälbschdändiche Gmaendena, må zwischa 1939 ond 1974 nåch Nagld aegmaended wårda send. Älle Schdadddåel send Ortschafda em Senn vo dor bada-wirddabärgischa Gmaendeordnong, mid-ma åegena Ortschafdsråd ond-ma åegena Ortsvorsteher als Vorsitz.
Gschichd
ändereNagld ischt zom erscht Mol gnennt worde em Johr 786 als villa Nagaltuna.
Verwaltong
ändereMid Håedorbach, Äbhausa ond Raordorf hådd Nagld a Verwaldondsgmaeschaft gschlossa.
Dr Oberbirgermoeschter vo Nagld ischt dr Jürgen Großmann.
Wahla
ändereErgäbnis vo de Landdagswahla seid 2006:[3]
| Johr | CDU | Greane | SPD | FDP | Lenke1 | AfD | Sonschtiche |
| 2016 | 28,2 % | 19,4 % | 18 % | 9 % | 2,6 % | 20 % | 2,8 % |
| 2011 | 42,6 % | 13,8 % | 29,1 % | 5,9 % | 2,6 % | 5,9 % | |
| 2006 | 41,7 % | 9 % | 34,3 % | 5,4 % | 3 % | 6,6 % |
1 2006: WASG, seid 2011: Die Linke
Dialekt
ändereDr Dialekt vo Nagld ghert zom Schwäbisch.
Bildor
ändere-
Nagld 1906 -
Fachwerkhaus in der Nagolder Marktstraße -
Hotel Post 2004 -
Londorfer Kapelle
Lidderadur
ändere- 1200 Jahre Nagold, ISBN 3-7977-0139-X.
- Sport- und Stadtgeschichte Nagold 1847–1997, ISBN 3-89570-262-5.
- Die Hirsch-Katastrophe. In Nagold vom 5. April 1906, ISBN 3-89264-666-X.
- Der Absolvent. Das Texer Buch. Absolventen der Lehranstalt des Deutschen Textileinzelhandels Nagold, ISBN 3-930179-02-4.
- Württembergisches Städtebuch; Band IV Teilband Baden-Württemberg Band 2 aus „Deutsches Städtebuch. Handbuch städtischer Geschichte – Im Auftrage der Arbeitsgemeinschaft der historischen Kommissionen und mit Unterstützung des Deutschen Städtetages, des Deutschen Städtebundes und des Deutschen Gemeindetages, hrsg. von Erich Keyser, Stuttgart 1961.
Weblink
ändere
Commons: Nagld – Sammlig vo MultimediadateieFueßnod
ändere- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ „Nagold – Bevölkerungsstand von Nagold“ (Site cha nüme abgrüeft wärde; Suche im Webarchiv)
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
|
Dä Artikel basiert uff ere fräie Übersetzig vu dere Version vum Artikel „Nagold_(Stadt)“ vu de dütsche Wikipedia. E Liste vu de Autore un Versione isch do z finde. |