Alexander Bonde
| Dialäkt: Undermarkgreflerisch |
Dr Alexander Bonde (* 12. Jänner 1975 z Fryybeg) isch e dytsche Bolitiker (Bindnis 90/Di Griene). Vu Mai 2011 bis Mai 2016 isch er Landesminischter fir Ländlige Ruum un Verbruucherschutz z Bade-Wirttebärg gsii.
Läbe un Beruef
ändereIn syre Schuelzyt isch dr Bonde as Stipändiat vum Barlemäntarische Getti-Programm vum US-Kongräss un vum Dytsche Bundesdags an dr Kahuku High School uf Hawaii gsii un het dert anne 1993 s High School Diploma gmacht. Noch em Abitur 1995 am Theodor-Heuss-Gymnasium z Fryybeg het dr Bonde syy Zivildienscht glaischtet as Bedreier vu Schwärschtbehinderte un het derno anne 1996 e Studium vu dr Rächtswisseschaft an dr Universitet Fryybeg aagfange. Im Johr 1999 isch er fir e Studium zum Diplom-Verwaltigswirt (FH) an d Fachhochschuel fir effetligi Verwaltig vum Land Bade-Wirttebärg z Kähl gwägslet. Anne 2001 het er des Studium ufgee un het derno as persenlige Referänt vu dr bade-wirttebärgische Landdagsabgordnete Heike Dederer un as Kampagnelaiter fir verschideni Burgermaischterwahlkämpf gschafft. D Wahlkampfagäntur public-office - Wahlmanagement & Strategieentwicklung GbR, wu dr Bonde mit eme Kolleg doderzue anne 2002 ufböue ghaa het, isch no syre Wahl in dr Bundesdag no im glyche Johr ufglest wore.
Dr Bonde isch evangelisch un mit dr CDU-Bolitikeri Conny Mayer-Bonde ghyrote. Di baide hän e Suhn un e Dochter un läbe im Baiersbronner Ortsdail Mitteldal.[1]
Bolitik
ändereEm Bonde syy bolitisch Engaschmänt het unter anderem aagfange as Sprächer vu dr Regionale Schuelerverdrättig z Fryybeg. Vu 1994 bis 1996 isch er Vorsitzende vum Landesschuelerbyyrot Bade-Wirttebärg gsii, wun er as Verdrätter vu dr sidbadische Gymnasie dryygwehlt woren isch. Im Studium isch er zwai Mol fir s Bindnis vu dr uuabhängige Fachschafte (BUF) in dr Große Senat vu dr Universitet Fryybeg un dodermit in dr Allgmaine Studierende Uusschuss (ASTA) gwehlt wore.
Bartei
ändereDr Bonde isch scho as Schueler 1993 Mitglid bi Bindnis 90/Di Griene wore. Är het sich zerscht in dr Griene Juged engaschiert un isch vu 1993 bis 1996 un vu 1997 bis 1998 im bade-wirttebärgische Landesvorstand vun ere gsii. Vu 1994 bis 1995 isch er derzue Mitglid im Bundesvorstand vu dr Griene Juged gsii[2] un vu 1998 bis 2001 Landesvorsitzende vu dr Griene Juged z Bade-Wirttebärg. Vu 1995 bis 1997 un wider syt 1999 isch dr Bonde Mitglid vum Landesvorstand vu dr Griene z Bade-Wirttebärg.
Abgordnete
ändereVu 2002 bis 2011 isch dr Bonde Mitglid vum Dytsche Bundesdages gsii. Do isch er zletscht Mitglid im Huushaltsuusschuss un Fraktionssprächer un Obmann vu dr Griene fir Huushaltsbolitik gsii. Derzue isch er stellverdrättende Vorsitzende vu dr USA-Barlemäntariergruppe vum Dytsche Bundesdag un stellverdrättend Mitglid im Verdaidigungsuusschuss gsii, wun er bis aafangs 2008 as ordelig Mitglid aaghert ghaa het. Ab Oktober 2009 isch er au stellverdrättend Mitglid im Uusschuss fir Landwirtschaft, Ernehrig un Verbruucherschutz gsii.
Syt Novämber 2008 isch dr Bonde Mitglid im Gremium zum Finanzmärtstabilisierigsfond no §10a vum Finanzmärtstabilisierigsgsetz gsii, wu in ghaime Sitzige d Arbet vum 480 Mrd. Euro schwäre Sonderfond Finanzmärtstabilisierig (SoFFin) kontrolliert. S Gremium soll au di zuechimftig Finanzmärtbolitik mit entwickle.
Bonde isch in dr Bundesdag alliwyl iber d Landeslischte Bade-Wirttebärg yyzoge. Aadröätte isch er au als as Diräktkandidat im Wahlchrais 284 Ämmedinge-Lohr. Bi dr Bundesagswahl 2002 isch er fir dr Cem Özdemir noogruckt, wu uf dr Lischte ufgstellt gsii isch, aber syy Mandat aber wäg dr Bonusmyyle-Affäre nit aagnuu ghaa het. Bi dr Listenufstellig vu dr bade-wirttebärgische Griene fir d Bundesdagswahl 2005 het er uf Blatz 4 dr Oswald Metzger gschlaa. Bi dr Landeslischte fir d Bundesdagswahl 2009 het er sich am 11. Oktober 2008 uf Blatz 8 gege dr designiert Bundesvorsitzend Cem Özdemir durgsetzt.
2015 het dr Bonde aagchindet, ass er zue dr Landdagswahl im Merz 2016 gege sy Barteifrynd Reinhold Pix um dr Wahlkrais Friburg I wett kandidiere. Noch ere heftige innerbarteilige Ussenandedrsetzig het er aber bal zruggzoge.[3]
Landesminischter
ändereAm 12. Mai 2011 isch dr Bonde as Minischter fir Ländlige Ruum un Verbruucherschutz vu Bade-Wirttebärg im grien-rote Kabinett vum Winfried Kretschmann veraidigt wore.
In syre Amtszyt het dr Bonde d Yyrichtig vum erschte Nationalpark z Bade-Wirttebärg firschidribe. Derzue het er si erfolgrych fir e Verhinderig vum Yysatz vu gentechnisch veränderete Pflanzen in dr Landwirtschaft yygsetzt, het s bade-wirttebärgisch Jagdgsetz modärnisiert[4] un het e modärn Verbandchlagsrächt uf dr Wäg brocht.
No dr Landdagswahl 2016 het dr Bonde verchindet, ass er fir s Minischteramt un anderi Spitzenämter nimi z Verfiegig stoht.[5]
Weblink
ändere
Commons: Alexander Bonde – Sammlig vo Multimediadateie- Websyte vum Alexander Bonde
- Biographie beim Deutschen Bundestag
- Läbeslauf bi dr Bundesdagsfraktion Bindnis 90/Di Griene
- Alexander Bonde uf abgeordnetenwatch.de
Fueßnote
ändere- ↑ alex-bonde.de Archivlink (Memento vom 9. Augschte 2011 im Internet Archive)
- ↑ gruene-jugend.de Archivlink (Memento vom 27. Septämber 2007 im Internet Archive)
- ↑ www.badische-zeitung.de
- ↑ www.landtag-bw.de: Gesetz zur Einführung des Jagd- und Wildtiermanagementgesetzes
- ↑ Focus.de 2. Mai 2016: Nach Gerüchten um außereheliche Affäre Grünen-Minister verzichtet auf sein Amt.
|
Dä Artikel basiert uff ere fräie Übersetzig vum Artikel „Alexander_Bonde“ vu de dütsche Wikipedia. E Liste vu de Autore un Versione isch do z finde. |