Aliance culturèla arpitanna
D Aliance culturèla arpitanna oder Aliance culturâla arpetana isch e internazionali Kulturorganisazioon z Frankrych, i dr Schwiiz un z Itaalie.
Si luegt für d Kultur und d Sprooch vo däm Piet, wo me Frankoprovänzalisch redt.
Der Verein isch anne 2004 z Lausanne gründet worde. Er het syni Sitz z Sciez am Gämfersee in Hochsavoie und z Rochetaillée im französische Departemänt Loire.
D Organisazioon isch politisch nöitral. Si hilft de dialäktaale Kulturprojäkt vo der frankoprovänzalischen oder ebe «arpitanische» Sprooch und ganz algemäin der modärne frankoprovänzalische Bewegig. Si luegt füre Ustuusch zwüsche de Sproochregioone, wo z Südweschtfrankrych, im Augschttaal und i dr Wälschschwiiz verströit sind. Es schwirigs Theema isch d Diskussioon über d Schrybwys vom Arpitanische.
D Aliance understützt au s Radiô Arpitania z Lausanne, wo Mundartsändigen über s Internet bringt.