Alemannische Wikipedia

Alisha Lehmann

D’ Alisha Lehmann (* 21. Janner 1999 z’ Tägertschi, Kàntoon Bärn) ìsch a Schwiizer Füassbàllschpìelera. Àls Schtìrmera schteht sa sitter 2021 bii Aston Villa-n-ìm Anglànd unter Vertrààg. Drzüa schpìelt sa sitter 2017 ìn dr Schwiizer A-Nàzionààlmànnschàft.

Alisha Lehmann
d’ Lehmann ìm Trikot vu West Ham ànna 2018
Personalia
Wänn uf d Wält choo 21. Janner 1999
Wo uf d Wält choo Tägertschi, Schwiiz
Größi 165 cm
Position Schturm
Juniorinnen
Johr Station
2008–2011 FC Konolfingen
2011–2017 BSC Young Boys
Fraue
Johr Station Spil (Tor)1
2016–2018 BSC Young Boys 59 (30)
2018–2021 West Ham United 42 0(9)
2021 → FC Everton (Leihe) 12 0(1)
2021– Aston Villa 18 0(2)
Nationalmannschaft
Johr Uuswahl Spil (Tor)2
2015–2016 Schwiiz U17 19 0(6)
2016–2018 Schwiiz U19 21 0(9)
2017– Schwiiz 33 0(6)
1 Aagää sind nur Ligaspiil.
Stand: 23. April 2022

2 Stand: 8. April 2022

Dialäkt: Mìlhüüserdiitsch

ìhra Kàrriar

ändere

Verain

ändere

Ìhra Kàrriar hàt d’ Lehmann àls Niinjaahriga biim FC Konolfingen ìn ìhrem Haimetkàntoon ààgfànga, wu sa vu 2008 bis 2011 gschpìelt hàt.[1] Drnooh ìsch sa ìn dr BSC Young Boys gànga ge schpìela un hàt därt ìm U14-Mànnschàft vu da Fràuija gschpìelt. Vu dr U13 bis züa dr U15 hàt sa dräimol wuchendlig züasatzlig zamma mìt da mannliga Nàchwucksmànnschàfta vum Verain träniart. Zamma mìt da mannliga Mànnschàfta hàt sa àui àn a pààr Test-Schpìeler mìtgmàcht. Ìn dr Wìnterpàuisa vu dr Saison 2015/16 ìsch sa Mìtglìed ìn dr A-Mànnschàft biim BSC Young Boys worra, wu sa sìch vornadrii duuragsätzt hàt un Schtàmmschpìelera worra-n-ìsch.[2]

 
d’ Lehmann zamma mìt’m West Ham United geega dr Lewes FC ìm Àuigscht 2020

Noh dr Saison 2017/18 ìsch sa mìt 19 Joohra-n-ìm Àuigscht 2018 ìn d’ heechschta-n-anglischa Liiga ìn dr West Ham United gànga ge schpìela.[3] Ìm Àwrìl 2019 hàt sa ìhra Vertrààg bii dam Verain verlängert.[4] Ìm Janner 2021 ìsch sa ìm FC Everton glehnt worra.[5] Uff d’ Saison 2021/22 ìsch sa biim Aston Villa z’ Birmingham gànga ge schpìela.[6] Ìm Jüüli 2022 hàt sa ìhra Vertrààg bii dam Verain fìr ain Joohr verlängert.[7]

mìt dr Nàzionààlmànnschàft

ändere

Ìm Jüüli 2015 ìsch d’ Lehmann Tail vu dr Schwiizer U17-Nàzionààlmànnschàft gsìì, wo àn dr U17-Öiropàmaischterschàft ìm Iislànd bis àm Andschpìel glunga-n-ìsch.[8] Doo hàt d’ Schwiiz mìt 2:5 geega Schpània verloora.[9] Àn dr U19-Öiropàmaischtera d’haim ìn dr Schwiiz ìm Jüüli 2018 ìsch àwwer d’ Lehmann mìt dr Schwiizer U19-Mànnschàft ìn dr Vorrunda-n-üüsgschaida. Ìhra äärschta Schpìel zamma mìt dr A-Nàzionààlmànnschàft hàt d’ Lehmann àm 22. Oktoower 2017 z’ Nagano geega Jàpàn gschpìelt —’s ìsch a Test-Schpìel gsìì.[10] Doo ìsch d’ Schwiiz mìt 0:2 gschlààga worra.[11] Ìm Àwrìl 2021 ìsch d’ Lehmann Tail vu dr Mànnschàft gsìì, wo sìch fìr d’ Öiropàmaischterschàft vu 2022 ìm Anglànd kwàlifiziart hàt. Ìm Baraasch-Schpìel geega Tscheechia hàt sìch d’ Schwiiz ìm Älfmääterschiassa duuragsätzt. D’ Lehmann ìsch d’ drìtta Schìtzera gsìì un ìsch mìt’m Schuss ärfolgriich gsìì.[12] Ìm Mai 2022 hàt sa jedoch bekànnt gaa, àss sa uffs Mìtmàcha àn dr Öiropàmaischterschàft verzìchtet hàt, dänn sa hàt sìch „ìn gaischtliger Hìnsìcht nìt berait“ gfühlt hàt.[13]

ìhr Prìwààtlaawa

ändere

Àb 2018 ìsch d’ Alisha Lehmann ìn’ra Beziihung mìt dr Schwiizer Nàzionààlschpìelera Ramona Bachmann gsìì.[14] Zamma mìt ìhr ìsch sa ànna 2021 ìm Dokümäntààrfilm Britain’s Youngest Football Boss uff BBC Three z’ sah gsìì.[15] Ìm März 2021 hàt sìch s’ Pààr gtrännt.[16] Sitter Nowamber 2021 ìsch d’ Lehmann ìn’ra Beziihung mìt’m bràsiliànischer Füassbàllschpìeler vun Aston Villa Douglas Luiz.[17]

D’ Alisha Lehmann ìsch aina vu da popüläärschta Füassbàllschpìelerinna-n-uff da soziààla Nätzwark.[18] Uff Instagram hàt sa ìm März 2020 1 Millioon Àbonnanta ghàà,[19] un 4 Millioona ìm Àuigscht 2021.[20] Ìm Jüüli 2022 hàt ìhr Konto 7,8 Millioona Àbonnanta ghàà. Uff Instagram ìsch sa àlso noh-n-em Roger Federer d’ zwaita maischtgefolgta Schwiizer Schportlera[21] un domìt d’ maischtgefolgta wiibliga Schwiizer Schportlera.[19][22] Sa hàt amol gsajt, àss sa mìt ìhra-n-Àktiwitääta-n-uff Instagram mehr Gald verdiant àls ìm Füassbàll.[23]

Weblìnks

ändere
  Commons: Alisha Lehmann – Sammlig vo Multimediadateie

Ainzelnoohwiisa

ändere
  1. ↑ Team. Schwiizerischer Füassbàllverbànd, abgruefen am 15. November 2018 (Schwiizer Hochtüütsch).
  2. ↑ Daniel Schaub: Alisha Lehmann: Mit Lockerheit und Selbstverständnis. In: Frauenfussball-Magazin. 9. April 2018, archiviert vom Original am 5. Oktober 2018; abgruefen am 1. August 2022 (Schwiizer Hochtüütsch).
  3. ↑ Alisha Lehmann von YB zu West Ham United. (Nicht mehr online verfügbar.) Schwiizerischer Füassbàllverbànd, 6. August 2018, archiviert vom Original am 22. November 2018; abgruefen am 1. August 2022 (Schwiizer Hochtüütsch).
  4. ↑ Arian Hasanyan: West Ham’s Alisha Lehmann signs contract extension. In: Goal.com. 7. April 2019, abgruefen am 1. August 2022 (änglisch).
  5. ↑ Lehmann wechselt von West Ham zu Everton. Schwiizerischer Rundfunk, 27. Januar 2021, abgruefen am 1. August 2022 (Schwiizer Hochtüütsch).
  6. ↑ Adrian Hunziker: Nati-Star Alisha Lehmann wechselt innerhalb der Women’s Super League. In: 20 Minuten. 30. Juni 2021, abgruefen am 1. August 2022 (Schwiizer Hochtüütsch).
  7. ↑ Daniel Pentland: Aston Villa Forward Lehmann Signs New One-Year Deal. In: FAWSL Full-Time. 22. Juli 2022, abgruefen am 1. August 2022 (britischs Änglisch).
  8. ↑ U17-Girls sensationell im EM-Final: Unser Teenie-Schwarm. In: Blick. 2. Juli 2015 (blick.ch [abgerufen am 15. November 2018]).
  9. ↑ UEFA.com: UEFA-U17-EM Frauen - Spanien-Schweiz - Aufstellungen. Abgruefen am 15. November 2018.
  10. ↑ pd / str: Erstes Nati-Aufgebot: Alisha Lehmann aus Tägertschi darf nach Japan. In: Bern-Ost. 6. Oktober 2017, abgruefen am 1. August 2022 (Schwiizer Hochtüütsch).
  11. ↑ Schweizerischer Fussballverband - Statistik und Resultate. Abgruefen am 15. November 2018.
  12. ↑ Penalty-Krimi gegen Tschechien: Frauen-Nati fährt an die EM 2022! In: Blick. 13. April 2021, abgruefen am 1. August 2022 (Schwiizer Hochtüütsch).
  13. ↑ «Mental nicht bereit»: Lehmann verzichtet auf die EM. Schwiizerischer Rundfunk, 30. Mai 2022, abgruefen am 1. August 2022 (Schwiizer Hochtüütsch).
  14. ↑ Stephan Santschi: Beflügelt von der Liebe: Alisha Lehmann (19) harmoniert mit Ramona Bachmann (27) auf und neben dem Spielfeld. In: Aargàujer Zittung. 9. Oktober 2018, abgruefen am 1. August 2022 (Schwiizer Hochtüütsch).
  15. ↑ Britain's Youngest Football Boss. BBC, 14. Februar 2019, archiviert vom Original am 28. Oktober 2021; abgruefen am 1. August 2022 (britischs Änglisch).
  16. ↑ Matthias Neuhaus: Alisha Lehmann trennt sich öffentlich – auf der Insel juckts keinen! In: Nau. Abgruefen am 1. August 2022 (Schwiizer Hochtüütsch).
  17. ↑ Aston Villa players Alisha Lehmann and Douglas Luiz reveal they are dating. In: Marca. 22. November 2021, abgruefen am 1. August 2022.
  18. ↑ Nicola Berger: Die Bernerin Alisha Lehmann ist ein Weltstar aus dem Nichts. In: NZZ Magazin. 20. Oktober 2021, abgruefen am 28. Juli 2022 (Schwiizer Hochtüütsch).
  19. ↑ 19,0 19,1 Matthias Dubach: Populärste Schweizer Sportlerin: Alisha Lehmann ist jetzt Instagram-Millionärin. In: Blick. 16. März 2020, abgruefen am 1. August 2022 (Schwiizer Hochtüütsch).
  20. ↑ Nils Hänggi: Nur noch Hunziker und Federer liegen vor Nati-Star Alisha Lehmann. In: 20 Minuten. 20. August 2021, abgruefen am 1. August 2022 (Schwiizer Hochtüütsch).
  21. ↑ Superstar, Reizfigur, Business-Frau: Kehrt Lehmann dem Fussball den Rücken? In: Blick. 5. Juni 2022, abgruefen am 1. August 2022 (Schwiizer Hochtüütsch).
  22. ↑ Sport-Center: Alisha Lehmann, sportive suisse la plus suivie. In: Le Matin. 17. März 2020, abgruefen am 8. Juli 2022 (schwiizer Französisch).
  23. ↑ Lea Wurmet: Alisha Lehmann: «Ich verdiene mit Instagram mehr als mit Fussball». In: Nau. 24. Oktober 2020, abgruefen am 1. August 2022 (Schwiizer Hochtüütsch).
  Dä Artikel basiert uff ere fräie Übersetzig vu dere Version vum Artikel „Alisha_Lehmann“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Alisha_Lehmann&oldid=1030493"