Allgemeini Erklärig vo de Mönscherächt

Di Allgemeini Erklärig vo de Mönscherächt (A/RES/217, UN-Doc. 217/A-(III)), au: Deklaration vo de Mönscherächt oder UN-Mönscherächts-Charta, isch s usdrückliche Bekenntnis vo de Vereinte Natione zu de allgemeine Grundsätz vo de Mönscherächt. Di Erklärig isch am 10. Dezember 1948 von de Generalversammlig vo de Vereinte Natione z Paris gnehmiget und verchünt worde. Ufgrund vo dem Datum isch sither de 10. Dezember de International Tag vo de Mönscherächt.

D Eleanor Roosevelt hebt e spanischi Version vo dr Menscherächtserklärig in de Händ

D'Flagge vo de Vereinte Natione

Grundlage

D Mönscherächtserklärig het 30 Artikel. Si düent di Rächt ufzähle, wo jede Mönsch het, ohni Unterschiid wi ofer was er isch, woher er isch und wo-n-er läbt. D Grundrächt, wo in de Erklärig feschtgläit si, het jede Mönsch in jedem Land vo dere Wält. D Erklärig vo de Mönscherächt isch in de Zwischeziit in meh wi 300 Schprooche übersetzt worde. Völkerrächtlich isch di Erklärig nöd verbindlich, aber me geseht si meischt wi-n-en Teil vom Rächt vo de Vereinte Natione und si isch so öppis wi-n-es Gwohnheitsrächt. Di meischte Beschtimmige, wo sich in der Mönscherächts-Charta findet, sind in andere internationale Abkomme greglet, so dass si für d Schtaategmeinschaft rächtlich bindend si.

Inhalt

S Ziil vo de Erklärig isch, d Freiheit, d Grechtigkeit und de Fride in de Wält z wahre und z gwäärleischte. Feschtgschribe isch, dass jede Mönsch sini eigeni Würde und sin eigene Wärt het und Manne und Fraue gliichberechtigt sind.

Lueg au

• Àllgemeini Erklärùng vùn de Menscherachte in dr alemannische Textsammlig (Wikisource)

Literatur

• Lynn Hunt: Inventing Human Rights. A History. Norton & Company, New York 2007 (englisch). 
• Bardo Fassbender, Dirk van Gunsteren (Herausgeber und Übersetzer): Menschenrechteerklärung: Universal Declaration of Human Rights – Allgemeine Erklärung der Menschenrechte. Neuübersetzung, Synopse, Erläuterung, Materialien, Sellier, European Law Publisher, München 2009, ISBN 978-3-86653-134-5 (dytsch/änglisch).

Weblink

 Commons: Allgemeine Erklärung der Menschenrechte – Sammlig vo Multimediadateie

• Àllgemeini Erklärùng vùn de Menscherachte uf Elsassisch bi dr UN, ìwersetzt vùm Office pour la Langue et les Cultures d’Alsace et de Moselle
• Dütschi Übersetzig uf em Server vom OHCHR
• Geschichte der Allgemeinen Menschenrechtserklärung, Bundeszentrale für politische Bildung