Alois Schätzle

Dr Alois Schätzle (* 30. Augschte 1925 z Kollnau; † 9. Juli 2022 au dert^[1]) isch e dytsche Bolitiker vu dr CDU gsii.

Uusbildig un Beruef

No dr Volksschuel un dr Handelsschuel het dr Alois Schätzle Ainzelhandelschaufmann bim Chaufhuus Fleiner glehrt. Vu 1946 bis 1954 het er as Chaufmännische Sachbearbaiter un no bis 1957 as Yychaifer vun ere Rohstoffgroßhandlig gschafft.

Bolitik

Dr Schätzle isch anne 1949 in di Jung Union un 1953 in d CDU yydrätte. Ab 1954 isch er Mitglig vu dr Sozialuusschuss vu dr Chrischtli-Demokratische Arbetnähmerschaft gsii. Ab 1958 isch er Landessozialsekreter un ab 1971 Bezirkssozialsekreter vu dr CDU Sidbade gsii. Am 18. Oktober 1971 isch er fir dr Albert Höfflin in Landdag vu Bade-Wirttebärg noogruggt. Vu 1972 bis 1988 isch er dert diräkt gwehlte Abgordnete fir dr Landdagswahlkrais Ämmedinge, Mitglid vum CDU-Fraktionsvorstand un ab 1974 Vorsitzer vum Petitionsuusschuss gsii.

Ehrige un Uuszaichnige

Anne 1987 isch er mit em Große Verdienschtchryz vu dr Bundesrepublik Dytschland gehrt wore. Am 27. April 1991 het er d Verdienschtmedaille vum Land Bade-Wirttebärg kriegt. 1992 het en dr Papscht Johannes Paul II. zum Ritter vum Silveschterorde ernännt.

Familie un Privats

Dr Schätzle isch remisch-kadolisch, ghyrote un Vater vu drei Chinder gsii.

Weblink

Commons: Alois Schätzle – Sammlig vo Multimediadateie

Bernd Fackler: Helfen ist ihm stets wichtig Badische Zeitung, 30. Augschte 2010

Fueßnote

↑ Gerhard Walser: Alois Schätzle, das soziale Gewissen der Union, starb im Alter von 96 Jahren. In: Badische Zeitung, 10. Juli 2022.

Dä Artikel basiert uff ere fräie Übersetzig vu <Alois_Schätzle&oldid=224398952 dere Version vum Artikel „[[:de:<Alois_Schätzle|<Alois_Schätzle]]“ vu de dütsche Wikipedia. E Liste vu de Autore un Versione isch <Alois_Schätzle&action=history do z finde.

[1] Gerhard Walser: Alois Schätzle, das soziale Gewissen der Union, starb im Alter von 96 Jahren. In: Badische Zeitung, 10. Juli 2022.

[1]