Amaravati Buddhist Monastery
Amaravati Buddhist Monastery (Pali: »Todfrais Riich«) isch e buddhistisches Chloster i de Chiltern Hills nördlich vo Berkhamsted im Hertfordshire z England. S ghört zu de Thailändische Waldtradition, enere Richtig vom Theravada.
Gschicht
ändereS Chloster isch 1984 isch vom Thaimönch und Lehrer Ajahn Chah und sim Schüeler Ajahn Sumedho, emene Amerikaner, gründet wore, nochdem Citaviveka, s ersti westlich Chloster vo dere Tradition, erfolgriich is Lebe gruefe woren isch. Ufem Gländ vo Amaravati isch vom 12. bis zum 16. Joorhundert s Frauechloster St Margaret's de Bosco gsii. Noch de Reformation isches uufglöst wore und s Chloster isch i privati Hend cho. Wäred em Zweite Weltchrieg het s Gländ as e Schuel för Chinder dient, wo wege de Bombeaagriff vo de Nazi us London evakuiert wore sind. De English Sangha Trust het den da Gländ gchauft und s hütig Chloster iigrichtet.
Sangha
ändereS Chloster isch de Sitz vom Abt Ajahn Sumedho und s lebet öppe 15 Mönch (bhikku) und Novize (samanera) und öppe grad sovil Nonne (siladhara) do. Denebet hend no öppe föf Laie (lay residents) feste Woonsitz ufem Glend, wo för Uufgobe zueständig sind, wo Mönch nöd mache chönd.
S Chloster lebt vo Spende und au s Esse werd gspendet. Bsunders a de Wuchenend und a Festtääg chömet vill Thai und Singhalese, aber au anderi Buddhiste, zum Chloster und spendet Naarigsmittel und Spiise.
Do s Chloster uf fraiwilligi Arbetschräft agwisen isch, lebet ständig verschidnig Gäst im Chloster, de Uufethalt cha vo wenige Taag bis zu drai Mönet goo, selte au länger. D Gäst müend gwüssi Regle iihalte und em tägliche Tagesrhythmus tailnee und bi Arbete helfe. Em morge em föfi isch Morgemeditation, denn werdet verschidnigi Arbete döregfüert. Em halbizwölfi gits z Mittag, nochem zwölfi isches nüm erlobt näbis z esse. Mengisch gits aber em füfi zum z Five-o'clock tea echli Chääs oder schwarzi Schoggi. Em Oobe em halbiachti foot d Oobemeditation aa und abem zeni isch Nachtrue. De Nomitaag dient zum persönliche Üebe und Studiere vom Dhamma, de buddhistische Lehr.
Nebetem Chloster gits no e Retreat Centre ufem Gländ, wo drei- bis zeetägigi Schwiigeretreats abotte werdet.
Weblink
ändere
Commons: Amaravati Buddhist Monastery – Sammlig vo MultimediadateieKoordinate: 51° 47′ 30″ N, 0° 31′ 15″ W